هل ان موسوسه ولا لا؟ اسألكن بالله ادخلن وردن

السلام عليكم ورحمة الله وبركاته

بقولكم السالفه بالتفصيل.....

انا بفصل جلسه في المقلط ورحنا محلات الأثاث واخترنا القماش والستاره واتفقنا معه على السعر

قال صاحب المحل للعامل الهندي اللي عنده يروح معنا عشان ياخذ المقاسات وراح معنا يوم

وصلنا للبيت كان العامل لابس جزمات وشراب طلع جزماته برا ودخل بشرابه طبعاً بيتنا موكيت

واخذ المقاسات وخلص وطلع , رحت لزوجي وقلت له ليش ماخليته يطلع شرباته برا انا ماأدري

عن نظافة شراباته يمكن انه يدخل بها للحمامات وبما انه عامل اكيد انه يستعمل الحمامات العامه

وانتم تعرفون وصاخة الحمامات, قالي زوجي انتي موسوسه وش فيها لويدخل بشرباته

هل فعلاً انا موسوسه؟ ولو وحده منكن حصل لها نفس الموقف هل تقولين للعامل يطلع

يطلع شرباته برا ولا لا؟



وش فيكم علي انا اقسم بالله مانزلت من قيمته وعارفه ان الحاجه هي اللي خلته يجي هنا ويشتغل بس انا حبيت

اكتب اللي صار واشوف رايكن

واللي يقولن ماله داعي تكتبين الموضوع مادام ماله داعي ليه تدخلن وتردن

اقسم بالله من يوم سجلت في المنتدى ماعمري رديت برد غير لائق

اذا شفت اني اقدر افيد صاحبة الموضوع دخلت ورديت عليها بما يرضي الله والا طلعت ودعيتلها

لاحول ولا قوة الا بالله والله اني تندمت اني كتبت الموضوع وحبيت اخذ رايكن من اسلوبكن