ترى طريقة اهل صديقتك غلط
وتربيه غلط
لاتنخدعين
هذي مو حياة الاسره الطبيعيه حبيبتي
اشوفها حياه رسميه ممكن الواحد يتضرر
بسبب هذي الافكار
يعني تقوم من النوم وتفتح لهم وترجع تنام
ايش المشكله

يعني هم مو جايين لها زياره لبيتها
هم بيرجعون لبيتهم اللي يجمعهم كلهم

حبيبتي الام وبنتها اللي برا لو صارت لهم مشكله برا ما يتواصلون مع اهل البيت ولايطلبون المساعده لانهم نايمين !?

وترى احتمال
نومها ثقيل وقالوا نتأخر شوي 
لاني ما اتوقع ان هذا المبدأ عندهم
وانهم غير متعاونين  
لانه مبدأ يسبب ضرر
وما يتوافق مع 
حياة المسلم

راح تكتشفي ان كل اهل عندهم سلبيات وايجابيات وانه اهلك احسن من اهل صاحبتك ف اشياء كثير

صاحبتك ماقالت لك السلبيات
تلاقي عندها مشاكل ماهي عندكم اصلا
ممكن تكذب عليك لان شي اوفر مايصحونها عشان تفتح لهم😂

بكرا تتزوجي وتروحي من عندهم وتشتاقين لهم ع قول عنود وتصيري بس تجيهم وتجلطي عنود😂✌️

محلاني اجي تعبانه ابغى بيتي و اروح اجلس في كوفي لين حضرة بنتي ولا اختي تصحا من نومتها وتفتح لي الباب هههه
ليش ياحبيبتي ترى فيه شي اسمه اتصال الو فلانه افتحي الباب وتصحا تفتح الباب وارجع انام خير ياطير وش بينقص منها هذول اهل البيت مب ضيوف
صدق تفكيرك غريب جدا
وانا متاكده انه صديقتك نومها ثقيل ودقوا الحرس لين طفشوا ولا سمعت واظطروا يروحون كوفي لين حضرتها تصحها

-
بطلي بس تقارنين حياتك بـ حياة غيرك وامورك بتكون تمام..🤝

أهل صديقتك يمكن سووا كذى لأن بنتهم كانت مريضه أو نومها مهو منتظم فكرهوا ينكدون عليها وقالوا نعطيها فرصه ساعه تنام.
لكن لو كان تصرفهم بس كذى فاعتقد هذي مبالغه مالها داعي.
كم مره قمنا من نومنا عشان نفتح للي برى!

ويمكن هي تكذب عليك.
ومهو معناته خلوها تنام إنهم عشره على عشره مستحيييييل مافيه حياه كامله.


بالنسبه لك سالفة يقومونك من نومك عشان تخدمينهم أو عشان تسويلهم شي ممكن هم يسوونه فهم غلطانين مررررره.

أما انهم يرمون عليك سبب كل شي فأعتقد إنك يمكن حساسه شوي أو تبالغين
زي مثلا سالفة أختك يوم تقولك لاتتقهوين قدام أمي
أشوفها سالفه عاديه وعفويه وكلنا مرينا بمثل هذي المواقف

كم قد قلنا لبعض لاتآكل قدام المريض شي هو يحبه لكنه يأثر عليه
مافيها شي يوم نبهتك.

وقيسي عليها باقي الأمور
انتم عائله منتم صديقات في كوفي!
طبيعي يصير شد وجذب
وناس تلقي اللوم على ناس
وناس تنتقد ناس .
وواضح إنك محبوبه منهم وإنك محور حياتهم وإنهم يعتمدون عليك لأنهم يثقون فيك ويدرون إنك إنتِ الي إذا احتاجوا شي بيلقونه عندك.

بادري بالطيب دايم والشي الي يزعجك وماتتحملينه قوليلهم بهدوء لايسوونه زي سالفة تقويمتك من النوم.

صدقيني ماعندك مشكله أبدًاااا وحياتك طبيعيه بس يمكن موقف أهل زميلتك أثر فيك.
وماتدرين عن الجوانب المزعجه في حياتها.

الله يسعدك يابنتي ويسخرلك الطيبين في حياتك