هل اوافق على زواجه

متزوجه من صيف 2005 وحملت بعد سنه وثلاثة اشهر من زواجي باطفال انابيب وانجبت ولد الله يحفظه زوجي عنده ضعف وانا لخبطة هرمونات وضعف تبويض وعملت الانابيب مرتين ب2010 ولكنه حصل حمل ضعيف ونزل الهرمون هو واخوانه الاثنين ماانجبوا والكل مفكرنا حملت طبيعي لانا ماخبرناهم ماخبرت غير امي واخواتي وهو مفكرني ماقلت لحد الله يستر بس لايدري اني ذعت الخبر

زوجي لما كملنا 7 شهور من زواجنا صارحني انه يبي يتزوج والا يومكم هذا وهومأذيني بهالسالفه مصدعلي راسي وهو يحبني ومتأكده من حبه لي ولولدي بس يقول ابي وحدي متينه دووووبه موت غريزه فيني حب المتينه وابي احقق هالامنيه انا متينه بس من فوق اكثر شي وهو يحب المتان من تحت ماشفتوا بس لو طلعنا نتمشى وشاف وحده متينه يتأوه ويقول ليت وليت :(ولدي قريب بيكمل الاربع سنين وهو يقول ابي اخوان لولدي من زوجه ثانيه واذا الله قدر منك بعد ماتمنع
والله ماني عارفه وش اسوي يابنات والله اني اعزه واحترمه كثير بس ماوصلت اني حبيته والله العظيم ماعرفت احبه حاولت بشتى الطرق هو طيب وحنون ويبدينا على نفسه عيبه يحب يتحكم فيني بشكل ماتتصورونه توصل انه نكون طالعين نزور اهله وينزلني من السياره على انه ماعجبه شكلي من بسبب لون اللبس حتى الساعه اللي البسها يعلق عليها ويقول لبسي الساعه الفلانيه احسه يعاملني كطفله مو وحده عاقل ويعتمد عليها سوي كذا لبسي كذا وينام من بدري وتعرفون رومانسيته شنو يابقره يامجنونه وازعل وابكي ويقول اخر مره ويرجع يقولها وان رجعت زعلت يقول يقول ماتفهمين الضحك:42: امحق ضحك اذا مابيناديني غير باسماء الحيوانات وانا والله الكل يمدح بعقلي وجمالي واخلاقي
اخواتي قالن يمكن مايبيك تتكبرين عليه لانه هو مولاهناك بس تقدروا تقولوا مقبول وبشرته على سمار
والمشكله اللي بعدها اني كل مابغيت شي لازم تطلع روحي وينفذه لي:22:
اكره اطلبه لهالشي ومن يومين راح اشترالي لابتوب صارلي3 شهور اطلبه ولاجابه الا هالاسبوع
وكريم بالمطاعم والتمشايات غير شكل الا السوق بنات انا لو كنت اعرف عنده ام عايشه او اخوات كنت رحمته بس والدته متوفيه وعنده اخت من الاب متزوجه وعيالها كبير يعني ماحد غير ملزوم فيها اخوانه كبار ومعتمدين لعمارهم وزوجي ماشاء عنده خير والحمدالله يقول والله لو تزوجت بعيشك احسن عيشه
وانا كنت منزله من فتره موضوع اني لما كنت صغير طحت على قدر حليب ساخن وانا عمري سنه ونص وتنومت 40 يوم بالمستشفى والا الان فيني اثار الحرق وباينه واجد وزوجي مادرى الا ليلة الدخله
وتمسك فيني بقوه والبعض كان ردهم سوي عملية تجميل وانا عرضت عليه الفكره ورفض قال انا مقتنع فيكي كذا ومارح تسوين العمليه بس قرار تمسكه بالزواج اشك يكون لهالسبب لاني مابغى يجرحني لان عندهم حب المقارنه والاستكشاف اكيد كلكم تعرفون الرجال
وطريقة زواجنا كانت اول يوم شوفه خطبني وبعد شهر كان الزواج لااعرفه ولايعرفني وفترة الملكه ماكان في تواصل الا ليلة الدخله
اول 3سنوات عانيت حتى افهمه ويفهمني تقريبا يوميا ابكي لانه تفكيره غير ماكان يعرف المزح والفاظ ماحد يزعل منها كان يزعل منها بشكل ماتتصورونه والحين الحمدالله والله صار عادي مايزعل وتعود على طبعي ومزاحي والحمدلله بس المشكله ماقدرت احبه