هل بتصدقون قصه طلاقي أو تكذبوني

ببدا ع طول



انخطبت وفترة الملكه خطيبي كان ملائكه من كثر حنيته وحبه لي وانه راح يجيب لي كل شي اطلبه وأهم شي عنده سعادتي اتذكر كلامه بالتفاصيل انه بيحميني لدرجه امه مايخليها تتدخل بيننا وانه مراح يتعبني بالشغل ولااالطبخ اهم شي عنده راحتي المهم كلااااااتم كثثثثثثيييييييرررررررر خلاني انسحر وان ربي جاب لي شخص مو عادي المهم يوم الزواج كان ثقيل مابادرني بالحنية والحب ع طول بدا معي بس داخلي اقول هو يحبني بصبر عليه والمصيبه ثاني يوم ١١ الصبح يقول لي تنزلين نفطر توووووترت قلت لا قال امي تقول اذ تبي ارسلها قلت لا بعدين قال انا بنزل عندهم قلت اوك وجلست لحالي بعدين رحت تروشت وجلست ع جوالي شوي الا وقت الظهر يتصل علي ويوم جا قال اختي بتجي تشوف الشقه قلت انا بنزل عندهم العصر رحت ترتبت ويقول لي بسرعه طولتي وانا مااخذت الا ربع ساعه المهم يوم نزلنا دخلنا بيت اهله حصلت اهله ومعهم اخوهم ومرته هو اعرس معه وكلهم جالسين بفوضوية وجلست ع الطرف بعدين يوم راح اخوه كنت اسولف مع اخته اسلوبها ماكان مريح ابددددداااا ويسألوني كيف العريس تنرفزت شوي وسكت بديت احس اهله ثقيلين وانا ماكنت اعرف خواته عايشين برا المهم يوم رجعت مع زوجي للشقه كان المغرب ويتصلون علي خواته يبغون يجون يشوفون شقتي طيب توي جايه من عندكم واكيد شايفين شقتي قبل عرفت انهم من نوع المتسلط وبديت انفر ومع هذا اصبر قلت اوك يوم جو ينتقدون كل شي حررررفيا ومعهم مرت اخوهم هي تقربلهم تمدح نفسها ويقولون والله طبخت لنا وسوت وكذا وكذا وكذا واختهم تقول اشطفي الشقه ولا بيقولون هذي مانظفت الا يوم جاها أحد !! المهم يوم نزلو وجا زوجي كنت متضااايقه كأني عرفت طبع اهله ومصدومه غير أن هو كمان انصدمت يعني مامنع اهله عني يتحكمون خاصه انه ثاني يوم المهم قال لي شافو شقه قلت ايه قال وش قالو قلت يمدحون وشوي كذا انا استغربت مايطلعني يقول امشي مطعم شي نطلع تعذرت اني ابي السوق اجيب كم حاجه وانا طالعه يتصلون علي يبغون اجيهم عند مرت اخوهم ويوم رجعنا رحت لهم ووقت الجلسة يقولون شفيك متضااايقه شكلك مو عروس وكذا المهم اختهم تقول زوجي يموت بنعومتي وانه متعلق بها ومدري وش كلام مسسسستفزززززز وتدخلو حتة بخصوصتي وانه لازم البس له قمصان لازم ماتستحين منه ومدري وش المهم اخته المتزوجة صارت تضغط علي تقول صارحيني وش فيك انا اختك ابغالك الخير علميني رحت أرسلتلها بالجوال كلام خاص اني ماتحمل بالعلاقه شي جديد والوجع يخوف ومسكته علي ماكنت عارفه نيتها تخرب علي المهم يوم طلعت من عندهم قمت ابكي من كثر ماتحملت انفجرت ع زوجي قلتله ودني عند اهلي قال ليش قلت انا تعبببببببببببت قمت اصرررررخ عليه ويوم رجعنا الشقه اخذت ساعه الل تطلع امه تدق الباب وتدخل معصيه وتقول انت شفيك كذا ترا انا اخترتك لولدي لايطير منك ومادري ايش،كلاااااام كثيييييييرررررر المهم راحت اتصلت ع امي قالت تعالي الحين ويوم جت امي تقول لاامي ليش،كذا بنتك ومدري ايش انا بقلبي سااااكته واقول وش شايفين مني وش فيهم وش هالاذى المهم قالت لأمي انا بنزل واخليها ماراح اضايقها والله بس تنتبه وتراعي ولدي ومدري وش المهم يوم روحو كلهم رحت نمت بغرفتي وخليته ينام باامجلس ولانمت اصلا كله سهرانه ابكي المهم ثالث يوم صحى الصبح نزل عند اهله وتجي امه الظهر تدخل شقتي تقول قومي يلا تعالي اعلمك معي شغل البيت كذا تمسحين وترتبين واشطفي الدرج وهو واقف معها يقول امي انا اسمع كلامها بكل شي ومدري ايش قلت ياعمه اهدي اجلسي شوي اسويلك قهوة قالت مابي قومي الحين روحي سوي مدري وش ومدري وش شوفي مرت اخوه ماشاء الله عليها المهم يوم راحت انا وصلت حدي وجا عندي زوجي هنا بدت تطلع نجاسته مثلهم تبين لي انه مثلهم نجس ووقح قال لي تحسبين الزواج بس نوم وانك جاية اربيك وبعدين ليش ماتشيلين وراي يوم ادخن الطفايات مكانها وانا بقلبي قلت اصلا الي مثلي عروس الحين مسافرة وهذا حاشرني معه ومع اهله المرضى قلت اسمع تبغا ننفصل بكيفك ناظرني قال كيف قلت مدري انت الي تبغاه سويه وقال كلمي اهلك وراح بعدين دقو علي اهلي ياخذوني وطلبت انفصال وتطلقت والى يومكم هذا محروووووووقه يابنات كيف يصير لي كذا كيف وثقت به وبااهله وش استفدت من يوم واحد عشته معه واخذ الي ييغاه وتركني غير كلمه مطلقه ليه يوقف بحياتي ومستقبلي وبن وعوده لي وحنيته وانه رجل ماشفت الا سفيه جاهل اهله شايلينه وتسلط علي معهم ويبغاني عبده لهم حتى مرت اخوهم تطلقت بعدي بااسبوع ماقدرت تتحملهم هذا وهي واقفه معهم حتى هي قلبو عليها ناس سييييييييييئييين إلى أبعد حد للأسف اني كنت اشوف طيبتي واخلاقي بهم ماتوقعت بعد الزواج انصدم كذا احاول ارجع نفس اول احب نفسي عجزت هذا وانا سنه مطلقه ماقدرت انسى ابدا كيف ارجع مشاعري وحيويتي فقدت كل جمالي وصحتي حتى صابني اضطراب تبدد الواقع من كثر الحزن كأني في حلم مستحيل اصحى منه ارجوكم يابنات تساعدوني او الي صار لها نفسي تساعدني تكفون بنات