السلام عليكم
صراحة أخوات أنا من اللي يسوقون سيارة طبعا لحاجتنا لها لإن الوالد كبير ومريض بالسن وبغينا نريحه وما عندي إخوان مؤهلين إنهم يسوقون......وإحنا عايشين بمنطقة سكنية بعيدة عن المدينة ما هو متوفر عندنا بعض الأشياء الضرورية .... بس أنا من اللي يؤيدون عدم سياقة المرأة للسيارة ...لإني أنا الحمد لله مستورة وأغطي وجهي بس لما أسوق أفتح عيوني بس أحط مخفي بالسيارة عشان محد من الرجال يشوفني أو أحط نظارة شمسية سوووودة .... لكن لا بد إني أتعرض لبعض المواقف اللي المفروض المرأة ما تتعرض لها مثل مثلاً لو إتوقفت السيارة عليج طبعاً يلتمون عليج الرجال وإنتي إمرأة مهما غطيتي يبقى لدى الرجال ألف تساؤل عنك وتنحطين في موقف محرج يقلل من شأنج مهما كنت محترمة ....عشان كذه ما دام إن الله عزكم وناسكم عزوكم ومنعو السواقة لكم ليييييش ثم ليييش تحاولون تقللون من قدركم وإنتو عاليين المرأة مكانها في بيتها ...((وقرن في بيوتكن)) ... أنا أتمنى إني أقعد بالبيت وما أسوق ولا أشتغل بس شو أقول ما عندنا رجال إحنا أنا وأخواتي معظمنا بنات.... أنا أنصح للي ما في داعي يجبرها إنها تسوق إنها ما تسوق .... أرجوكم حافظو على دينكم وحياءكم وعزتكم إنتو بتكونون أمهات لرجال ولبنات المستقبل ولا تخلون أي شي مهما كان بسيط إنه يغير من اللي إنتو فيه.... تعلمو دينكم وفيدو بعظكم عشان تفيدون غيركم وعيالكم وتربوون أمة مسلمة عايشة لعبادة الله فقط .... لإن السواقة إذا ما كانت جرت بعض الأخوات للفتنة فإن نسبة جرها لغيرهم كبيرة .....
كل وحدة قبل لا تسوووق تفكر عدل .... بس ممكن إن الوحدة تتعلم السواقة لمجرد العلم فقط بس مش إن واحد غريب يعلمها ....
والسلام عليكم....

الله يجزاك خير ماشاء الله عليك قلتي اللي كان نفسي اقوله النقاش يا اخوات على المجتمع السعودي وبعدين احنا محنا متخارجين من المضايقات واهالينا معانا فما بالك واحنا لوحدنا طبعا لان الاخوات ما حيسوقون سياره الا اذا كانوا اهاليهم او ازواجهم ماهم فاضين فحيخرجوا لوحدهم
يعني انا من رايي اللي حيسير لها ظرف طارئ لا قدر الله حتدبر نفسها باي طريقه لان الدنيا ولله الحمد ما خليت من الناس والله اعلم

الرسالة الأصلية كتبت بواسطة أنا كويتية »
والله صار لنا مليون سنة نقود سياراتنا بأنفسنا ماصار لنا اللي تقولون عليه....
وأرحم مليون مرة من دل الزوج اللي يفضل ربعه أو الأخ اللي طبعا زوجته وأولاده أولا وهدا من حقه.........ولا الأبناء اللي دايما مشغولين.........ماقد اوقفت سيارتي بالشارع وصلحها غر يب الله يسلم الموبايل بدقيقة كل أصحابك وأهلك على راسك يصلحون لك وهدا العطل ما يحدث الا مرة كل 10سنين.........وبعدين السايق هدا الشخص الغريب من بلد متخلف لا يعرف مدهب ولا دين شلون نرضى فيه ويشوف المرأة وهي تركب السيارة ووهي تنزل لابد يبين مها شي لو هي متغطية من راسها لساسها...ولو كانت بتروح حفلة وحاطة عطر شلون......والله عندنا أغلب الفساد من السائق والوحدة لو بتروح الأماكن الثانية دون علم أهلها بتتفق مع السايق مقابل تعطيه فلوس........وش يهمه انحرفت ولا قعدت هو جاي علشان الفلوس وهي بتعطيه
ولا بتدخل المجمع من باب وبتطلع من باب والسايق برة مايدري وين الله حاطه وكلكم تعرفون هالموضوع........ وأي اختلاط اللي تتكلمون عنه أسوأ اختلاط مع السايق اللي كل يوم وجهك بوجهه وهو محرم عليكي......ياجماعة اللي في نفسها مرض والله ما يزيد ولا ينقص كونها تسوق ولا مع سواق..............ياجماعة ادا طاح طفلك وتعور ولا نزف ولا ارتفعت حرارته الساعة 3 الفجر وزوجك مسافر بتتصلين على أخوكي؟؟؟؟؟؟؟؟؟ طيب بيته على بعد 20 دقيقة منك مو طفلك أولى بهالعشرين دقيقة تطيرين فيه المستشفى.............. طيب اللي عايشة مع امها وماعندهم رجال وش تسوي؟؟؟؟؟؟؟؟؟؟؟ وأي نص بالقرآن يحرم المرأة تبين عينها؟؟؟؟؟؟؟؟ياجماعة بسنا تخلف هدا ضرورة وضرورة علىالأقل الوحدة تتعلم للضرورة القصوى

والله نتمنى نسوق والقرار يصدر اليوم قبل بكرة ليه الرجال متشددين كذه
لأنهم ماعاشوا الذل اللي أحنا فيه ننتظر لحد مايرضى ويخرجنا ولا زعل ياساتر
وننتظر لو كان مشغول لحد مايفضا ويروق ولو مافضي عادي مو لازم تروحي
ويحب يخليك مثل قطعة الأثاث ويروح يسوي اللي يبي ويلقاك مكانك سر
أنت محجبة وسنك فوق الثلاثين وعاقلة وتراقبين الله وتعرفين إنه معاك خلاص
عادي ليه الإعتراض والرفض لمتى نجلس بذل المرأة كانت تتحجب وتركب الخيل ولم يحرم
عليها ذلك كانت تركب الجمال وتتنقل كما تريد وهي لم تكن تعاني مثل الآن من ابن عاق
أوأخ مشغول أو زوج لاهي انشغل بالتعدد مثلاً عنها وعن أطفالها .... نعم للقيادة
نعم للقيادة........... نعم للقيادة . ولكن بشروط وقوانين وبحجاب ......... سيعود الرجل للمرأة
ويشاركها بتربية الأولاد وسيتغير الكثير وأبسط شيء يقدر ها ويحسب ألف حساب لقدرتها على الخروج ........... فكل شيء في بدايته رفض حتى تعليم المرأة وأمور كثيرة نحمد اله عليها الآن .