هل بهالطريقه راح اطيح من عين ام زوجي؟

زوجي الله يهديه بدايه زواجي كانت امه يوم تزورنا يقومني مرتين او ثلاثه بالكثير جيبي كذا او كذا بس بعد كم سنه من الزواج صار مجنون رسمي (وعشان ما تجيني وحده مدرعمه وتقول يفرض شخصيته قدام امه ترى زوجي حتى وحنا لحالنا يطلب مني مليون شغله) المشكله امه وهي موجوده يبهذلني احس كذا يقلل من هيبتي وشخصيتي وينسفها والله نظراتها استهزاء فيني واستغراب واضح من عيونها كذا مره اقولها كيفك القى عيونها طايره مو حبا فيني لكن استغراب اني خاضعه لهالدرجه لزوجي ولطلباته المتتاليه والكثيره جدا
والمصيبه ان زوجي مايبقى على نفس الوتيره لا كل زياره من امه لنا الاحظه يزيييد ويزيييييييد ويزيييييييييد لو يبقى على نفس سوئه ارحممممممم واعترف ان سكوتي هو اللي خلاه يتمادى
الزبده بمجرد امه تدخل البيت يقومني كل ثانيه بدون مبالغه هاتي جوالي اقوم اجيبه بمجرد ما اجلس يقولي جيبي الشاحن اقوم اجيبه
بمجرد اجلس يقولي جيبي لامي مخده اقوم اجيبلها
ما اجلس 5دقايق يقومني قومي بالله هاتي الميموري حقي اقوم اجيبه
بمجرد ما اجلس يقول جيبي لامي الفطاير اللي شريناها خليها تذوقه
اجلس شووي قومي يافلانه هاتي اوراقي اللي بالغرفه اقوم اجيبها
اذا امه قالت العصير لذيذ قال قومي جيبي العلبه خلي تشوف اسمها
اذا امه قالت الكيك لذيذ قال قومي جيبي الكرتون وريه لامي
اذا الدنيا برد قال قومي طفي المكيف شوي يصير حر قال ولعي المكيف
اجلس شوي قومي يافلانه جيبي كذا وكذا
طلباااااااااااااات مالها اول من تالي ورا بعض ورا بعض تعبت وتفشلت من امه
بتسألون وش اللي مسكتني انا اللي مسكتني ما ابي افشل زوجي قدام امه ما ابي ارفض طلباته حتى لو بأدب احس بيطيح وجهه بس اظنها خلاص قفلت معي لانه تمادى انتوا لو تشوفون شكلي وانا رايحه وجايه والله لاتقولون اضربيه قدام امه
المشكله امه كذا مره قالت اجلسي يافلانه ماخليناك تجلسين لان وضعي بوجود امه ببيتنا يصير غير طبيعي نهائي ماغير رايحه جايه رجولي تكسرت هذا غير كني بزر كل شوي يقومني لو يقومني مرتين ثلاث اربع قسم بالله عااادي لكن من دخول امه يبي يحط عندها كل شي كل شوي قومي جيبي الشي الفلاني حطيه جمب امي
روحي جيبي كذا لامي قومي جيبي لاب توبي قومي جيبي مخده عشان امي تسند ظهرها
قومي قومي قومي اقسم بالله احسها اهانه وانا كني بزر ام 5 سنين ولا شغاله ماغير اجيب له واجيب لامه
وترى حتى لو لحالنا يعاملني كذا بس قدام امه يزيد مو خبث منه لا بس عشان يبي يوري امه كل شي ببيتنا يبي يونسها ببيتنا يبي نجيب قدامها كل شي تاكل وتشرب وتسند ظهرها على مخدها وتسمع اخبار الخ وكله على حساب رجولي وتعبي وهيبتي
وصلت انه مره قالي هاتي لامي جزمه خفيفه عشان تلبسها وللاسف رحت وجبتلها جزمه وحطيتها تحت رجولها
للعلم ام زوجي صغيره ولازلت للان تكشخ وتتمكيج بكل مناسبه وبصحتها وعافيتها وتلبس بناطيل يعني ماهي المقعده عشان اتذلل لها بهالطريقه
والله مدري مشتته ضايعه ومو عارفه اجمع الكلام مضبوط زوجي على غلط ولا انا ابالغ ؟ انتوا لاتاخذون المواقف وتحللوها تكلموا عن اسلوب زوجي بشكل عام غلط ولا لا؟