رنيم قصدك (ميشن اورغنايزيشن) الله يقطع الكسل ..

اعرف البرنامج واستفدت منه كتير في باقي البيت ..مثلا غرفة النوم عندي فرق بين زمان والان وغرفة الغسيل (ماكان عندي غرفة غسيل اصلاً) ومن شدة اعجابي بالبرنامج اسجله كل يوم يجي الساعة 2 المسا :)

شام ..شفت البيسمنت تبعك هو عندي في قلب البيت وكل مارحت وجيت اشوفه ..:)

ماشاء الله انا ابداً مالحق انظف وراهم ..بعدين انا مو مشكلتي إني انظف وراهم والا لا ..والحق والا لا (ماجربت يومياً انظف وراهم) مشكلتي اني ابغاهم ينظفوا بنفسهم ..

يابنات والله ما اخفيكم سر ..عندنا في السعودية الخدم خاربين البيوت والتربية .. والاولاد تعودوا الراحة والدعة.. وانا مو عاجبني هدا الوضوع ..ونفسي لما ارجع اشيل كوني بعوني ولا اضطر اجيب شغالة .. وهذا الشي ماراح يتحقق بدون مايتعاونوا معايا اولادي ..

شي تاني كتيييييييييير من بنات جيلي نشأوا في عهد الخدم وبعد ماتجوزوا الوحدة بدها تنتحر من شغل البيت والمسؤولية والاطفال والزوج واذا كانت تدرس تكون كملت الناقص ..

الله يعين وان شاء الله اذا رجعت من السفر لي كلام تاني معاهم ..جزاك الله خير على الروابط ..

مرحبا فرفوشة .. انا هدفي من هدا الموضوع انه نزرع في اطفالنا الترتيب بنفسهم ..ايش يصير فيهم لو واحد شاف ورقة على الارض ورماها في الزبالة ..!!

نفسي ومنى عيني اشوفهم لوحدهم يرجعوا من المدرسة يعلقوا الجاكيتات ..ويحطوا الشنط مكانها ويجوا ياكلوا وبعدين يرحوا على الواجب ..تراني كنت كدا وانا عند اهلي .. وطول عمري انا ابر امي عشان الاقيه في اولادي (شكلي ما اخلصت النية اعوذ بالله ) يارب ارضى عن امي وابي وارحمهما كما ربياني صغيرة ..

كمان امي اليي علمتني انه كل اليي ازرعه احصده ..ربي يسعدها عرفت كيف تروضني ..وانا طلعت خايبة ماروضت اليي عندي :)..

ام نورة وسارة الظاهر بناتك صغار لسة ..كمان عندي نقطة مهمة جداً ..الصورة مو من بيتي ..ترا غرفة اولادي اهون هههههههه ..

لما كانوا اولادي صغار جابوا صينية جلي طبقات ولعبوا فيها بالايادي ودهنوا بيها الارض ..وصارت حممممممممراااااا

ومرة بنتي اخدت مجرفة المقشة وغرفت بها الدقيق وفرشت به كل المطبخ ولقيت كل شي ابيض ..حتى المكنسة انسدت يومها ..

ايش كمان .......الحمد لله نسيت ..يقال لو كانت لك ذاكرة قوية وذكريات أليمة فأنت اتعس الناس فالحمد لله اني نسي لانه ذكرياتي أليمة جداً مع مواقف الاطفال .

هلا حمرة الورد
بالنسبه للالعاب لو لاحظتى ان الاولاد دائما معتمدين مجموعه واحده هى اللى يلعبوا بيها والبقيه ما تنقرب
يعنى شيلى الالعاب القديمه فى كرتونه وخزنيها بعيد عنهم وبعد مده طلعيها وحطى اللى كانوا يلعبوا بيها مكانها بكده العيال ما ايملوا ويحسوا كأنك اشتريتِ لهم لعب جديده
شيئ ثانى معاد لأنه بعمر محمد فأكيد العابه هى القيم بوى والبوكى مان لأنها الموضه بهالعمر يعنى ايحبوا الالعاب الالكترونيه فلو ابنك عنده هالاهتمام اوعديه انه لو رتب غرفته واهتم بنظافته انك حتعطيه وقت اطول للعب باللعبه اللى ايحبها

محمد ابنى مسموحله يوم الجمعه بعد المدرسه والسبت بس انه يلعب بالقيم بوى ولو عمل اى علطه بوسط الاسبوع حيكون محروم من اللعبه وبالمقابل لو انه عمل شغل كويس ومرتب فى اى حاجه حنعطيه ساعات لعب اضافيه يوم الاحد فجربى مع معاذ نفس الشيئ
فى الاول حتلقى صعوبه وتذمر بس بعدين خلاص ما يناقش

مثلا ابنى الصغير يحب يلعب بالكتب ينزل قصص المكتبه تبعهم ويرتبهم على الارض طابور طويل ويمشى عليهم وطبعا علشان اجمعهم ورجعهم مكانهم ينهد حيلى
فهاليومين بشترى لاخوته قصص وهو ما بشتريله ولما يصرخ ليش انا ما اشتريتى لى اقوله لانك تلعب بيهم فى الارض لو ما عاد اتحطهم بالارض اشتريلك فيرد ما راح اعملها
له يومين ما نزل القصص بالارض
مثل ما بيقولوا كلام الليل مدهون بالزبده
بس راح اشوف شنو يصير معه

شوفوا هذه فكره للاولاد علشان ما يرموا ملابسهم بالارض لقيتها بالنت



Materials
• Old basketball hoop
• Screws
• Mesh laundry bag with a zipper closing

بس ما تسووها وتقلبوا البيوت ملاعب سله

الله المستعان

ام محمد ......رحتي تقلي الدونات ومارجعتي :D واكتاب وصل ولا لا ؟؟؟؟؟؟؟

والله فكرة رهيبة السلة .....لو جبتها مايبقى عندي شئ بالارض ......ايمن الله يهديه يموت في الباسكت بول بس المشكلة لما نزل البسكت ونعيد الترتيب .... :27:

انا كل الفوضى في غرفتهم وجربت كل انواع التحفيز والحرمان وفي الاخير اقتنعت انه عندنا عرق نحن العرب في اطفالنا مايتربو زي الامريكان .......انا بموت لما اشوف الامريكان في المحلات جارر وراه دستة عيال ولا بيفتح فمه معهم وهم وراه ولا حس .....وانا اثنين فاضحة بيهم العالم ...والان الثالثة باينة حتقول للثانيين انتم متربيين اكتر من اللزوم ههههههههههههههههه :D

بنات شوفوا سوبر ناني يمكن ينفع الي ولادها نفس النوعية:icon35:

حيا الله أم محمد ..

والله اسوي هده الحركة اني اخبي جزء واطلع جزء ..مو قلت لك سويت كل الأفكار المنتشرة ..

شكله لااااااااازم اشيل كل شي .. من جد.. واخلي الغرفة فاضية لانه صعب اصلاً كل الوظائف هده في غرفة وحدة ..الله يجازيهم الامريكان عايشين في احقاق صلصة ..عندنا في الولاية مافي شقق اكتر من 4 غرف ..حتى نحنا مالقينا غير 3 غرف وكل غرفة اصغر من اختها .

معاذ ماعنده ألعاب الكترونية ..انا مرة ما احبذها ولازوجي والحمد لله ماجاتنا هدية .. فما عندهم لابلاي ستيشن ولا جيم بوي ولا شي من هده النوعية ..

بس ممكن اوعده انه يقدر يقعد على الكمبيوتر يكتب والا يلعب في السي دي اليي عنده ..

كمان من زمان نظفت له الغرفة ووعدته لو حافظ عليها اسوي له ايميل مرة متحمس للإيميل يبغى يطير عليه ..

بس صراحة عندنا الجمعة برنامج في المركز الاسلامي والسبت برضه نخرج .. بس مافي مشكلة نقطع له ساعتين ..

تصدقي مرة عجبتني سلة الغسيل ..شكلي اسوي منها كم وحدة للألعاب وللغسيل ..

الماء والخضرة ..وحدة مرة سألت عربية زينا عايشة في امريكا قلت لها نفسي اعرف كيف الامريكان يربوا اولادهم ..

قالت لي من اكل الخنزير :)

بس نجي للصراحة ..تعالي شوفي ونحنا واقفين للباص .. بنت جيراننا زي القمر مؤدبة وناعمة .. لما امها توقف معاها مايسكتوا طول الوقت وهم يتكلموا

والا ابوها يكلمها كأنه يكلم واحد عمره 30 سنة .. _ ايش عندك اليوم شي مهم؟ وايش درستي في الكلاس الفلاني ؟ اظن انه الافضل تروحي في الوقت الفلاني ..

ايش رأيك في الشغلة دي ؟

والبنت اولى ابتدائي ..

وفي عيلة تانية بنتهم زي العفريتة .. مؤذية ولسانها طويل وتدفش في الباقين .. وحالة اهلها من حالنا ..

الام او الاب يوقفوا : متى يجي الباص ؟ تأخر ..برد ..اف اكره اقوم في الصباح ..

وأنا والحمد لله ..: معاذ بردان؟ لبست بيجامة تحت البنطلون؟. ميس تعالي اصلح لك الشال..
انتبهو الارض وسخة ..لاتدعس في الزرع لايكون كلب سوا شي .. يععععععع ايش الناس هدول مافي قانون يقول شيل من ورا كلبك ..

الله يقطع الكلاب واليي يربي كلاب ..مو كان ربوا قطط انظف لهم ..


والله شي مضحك..

والا مرات ما اكلم احد ولا احد يكلمني ..واقعد اقول يارب يجي الباص بطني وجعتني من البرد ..وارجف من جوا مصاريني ..