هل تؤمنين بحصول المعجزات ؟ أو الأشياء شبه المستحيلة؟ هل عندك تجربة؟

السلام عليكم ورحمة الله

راح اتحدث معكم بأريحية انا انسانة ولله الحمد محافظة صحيح اسافر للخارج لكن لي حدود في حجابي
وتعاملي مع الجنس الآخر يهمني الحياء وعدم الانفلات ومن العوائل النجدية المتحضرة وعائلتنا يا تجار يا مناصب هامة
مشكلتي متعقدة من الزواج اخاف يجيني شخص ماارتاحله , اخاف من الطلاق ماابي ادخل تجربة إلا وانا متأكدة من الطرف الآخر اننا لحد ما متفقين
تعبت , مااطلب شي صعب ولا فوق مستوانا يجولي ناس لكن الخوف والقلق يسيطر علي
انا يعجبني ويملأ عيني الشخص الناجح المكافح سواء بوظيفته او تجارته ونفس الشي ماطلبت شي اقل من الي حوالي
كلهم كذا يا تجار يا وظائف مميزة
الشاب المطلق الي عنده طفل اخاف منه لأن ثلاث اعرفهم مشاكلهم بسبب اطفاله يقدمهم عليها هم الداخلين وانت
الطالعة صديقتي عنده بنت وحدة وتزوج صديقتي وهي بكر لكن بنته عنده فوق كل شي
صرت اخاف غير اني ودي اكون اول فرحة له يعني لو مطلق بدون اطفال ممكن لكن خلاص الي جاله طفل ذاق الفرحة
ودي اعرف تفكيره ومنطقة على الاقل
دخلت تويتر لقيت فيه حسابات لرجال كثير لكن فيه شخص متميز بعائلته الي هي من العوائل الي احنا مناسبينها
لكن هالشخص مااعرفه ومتميز باخلاقه وتعامله طبعا هذا حسب شهادة الي يعرفونه ويقربون له سمعته زينه
حسب مااعرف , انا مو من الناس الي احكم بسرعة واطير بالعجة وبسرعة أي شخص يعجبني مهما كان شكله
يعني هذا الشخص شكله متوسط او مقبول وفيه احسن منه بكثير
صرت اتمنى لو يكون هو شريك حياتي او شخص مثله

فكرت لقيت مافيه طريقة غير الدعاء
اتمنى والله لو عادي الوحدة تقول للشخص مباشرة او تخلي احد يكلمه انا فلانة بنت فلان وانت شخص خلوق
لو نناسب بعض اتمناك شريك حياتي :pinklove:
لكن بمجتمعنا طبعا مافيه
اتمنى لو اقدر اسوي مثل خديجة رضي الله عنها لكن صعب بمجتمعنا وانا وحدة فيني حياء صعب علي
انصحوني كيف اتصرف

موضوعي من جزئين :
1- الي حصل لها وتحقق لها شيء شبه مستحيل هذا متاح التعليق فيه للكل
2- مسألة إعجابي بهذا الشخص وهذا ياليت مايعلق عليه غير الي مثلي بنات نجد الي بمجتمعهم انفتاح عقلي
مااقصد التحرر