السلام عليكم يا اخوات من منكم تؤيد الزواج عن حب؟؟؟
ت لاني وانا وحدة من المؤيداعشت اجمل قصة حب لمدة اربع سنوات والحمدلله انتهت بالزواج وما زال الحب مستمر رغم مرور اربع سنوات ووجود طفلين والحمدلله رب العالمين.
انا وزوجي واجهتنا الكثير من المشاكل الى ان وافق والدي على الزواج لاني انا من يوم صغيرة يقولون انتي لولد عمك وتعرفون انتو هذه الامور وشو المشاكل اللي تي من وراها.
بداية القصة.. في يوم من الايام كنت رايحة ازور بنت عمي في مكان عملها وشفت شخص كان عندها وصراحة من اول م شفته دخل خاطري وهو نفس الشيء وبعدين بدينا نتكلم مع بعض وهو كان انسان خلوق ومهذب ومثقف وشجعني وايد على اكمال الدراسة وكان معاي خطوة بخطوة الى ان تخرجت من الجامعة وبتفوق والحمد لله.
واللي بغيت اقوله ان لازم كل وحده تتاكد من صدق الطرف اللآخر يعني انا على سبيل المثال، اول ما اتعرفت عليه عرفني على اهله وخواته وكان صريح معاي وعمره ما قال لي تالي اشوفج ولا نطلع مع بعض وكان دايما اخاف علي. وكثير صبر على رفض ابوي له وخطبني اربع مرات وابوي يرفض ويرده بكل قسوة والله كان ما يهون علي واقوله خلاص الله يخليك لا تنزل نفسك اكثر من جذي واللي الله كاتبنه بسير وفعلا حاولت اني اقاطعه واخليه يشوف حياته لانه وايد صبر معاي. وفي يوم عيد ميلاده كان في 29\9\2000م امي قالت لي انتي الحين بعدج تريدين اخو ربيعتج(حبيبي) ترى الحين يالسين نسال عنه وبنشوف وان شاء الله خير, والله اني بغيت اموت من الفرحة ورحت على طول اخبره وما تصدقون ان صاح من الفرحة، وبعدين الله يسر الامور والحمدلله وتوالت الاحداث كالتالي:
19\10\2000 اول زيارة من اهله حق اهلي وكانت الخطبة
2\11\2000 كان كتب الكتاب
1\1\2001 كان الزواج وكان اسعد يوم في حياتنا وعقبال الجميع ان شاء الله.
وادري طولت عليكم بس صدقوني قبل الحب يجب ان يكون هناك احترام وتفاهم وخوف من الله حتى تنجح الحياة الزوجية.
ولا تنسوني من دعائكم.
ليــــا لــي @lya_ly
عضوة نشيطة
يلزم عليك تسجيل الدخول أولًا لكتابة تعليق.
دخــون
•
الله يهنيكم ببعض ويبعد عنكم الشر ...اما بخصوص رايي فانا مااعارض على الزواج عن حب ولكن من الضروري التاكد من الطرف الاخر والنيه السليمه للزواج...
الله يسعدكم و يهنيكم عزيزتي ليالي
:27:
و كله يعتمد على النيّة .. اللي نيته شينه اكيد ما بتمشي اموره عدل
و الله يرزق الجميع من كل خير
:26:
:27:
و كله يعتمد على النيّة .. اللي نيته شينه اكيد ما بتمشي اموره عدل
و الله يرزق الجميع من كل خير
:26:
الله يسعدكم ويهنيكم وبالعكس الزواج عن حب شئ حلو
بس وين تلقين شخص بجد يحبك مو طمعان فيك او في نفسك واذا نال اللي يبيه تركك
ولا كان شئ حصل مشانكذا النية اهم شئ واهم شئ كمان التاكد من نية الطرف الاخر
يعطيك العافية
بس وين تلقين شخص بجد يحبك مو طمعان فيك او في نفسك واذا نال اللي يبيه تركك
ولا كان شئ حصل مشانكذا النية اهم شئ واهم شئ كمان التاكد من نية الطرف الاخر
يعطيك العافية
بنت بيت
•
الله عليج يا ليالي
قولي اميين ياقلبي :27:
الله يسعدج ويوفقج وجعل ربي ما يفرق
بينكم ويرزقكم باكثر من الذريه الصالحه
ويجعل ايامكم فرح في فرح ويبعد عنكم
عيون الحساد والعواذل .. !!
بصراحه بالنسبه لموضوعج
انا ماراح أقول ما أأيد الزواج عن طريق الحب
لاني ماعمري فكرت اني اخوض هالتجربه أبدا
ولان عاداتنا وتقاليدنا هي الزواج عن طريق
الأهل .. ومن الله التوفيق .. ولكن هذا ما يعني اني اقولج لا
انا ضدج بهالفكره .. لا والله .. على حسب البنت وعلى حسب العائله
فيه ناس عادي عندهم وعاداتهم وتقاليدهم ماهي حجره شوي .. ونصيحتي
لكل بنت انها تنتبه لنفسها والله قليل الحب الصادق اللي يجي بعده زواج
مثلج الحين تقولين بحياته ما طلبج تطلعون مع بعض او تشوفون بعض
وهذا دليل على صفاوة نيته .. فانتبهو لكل صغيره وكبيره واللي يحب
مستحيل انه يطلب من حبيبته شي ما يرضاه لخواته وانتو فاهمين قصدي
والله يوفقكم يااااااااارب
قولي اميين ياقلبي :27:
الله يسعدج ويوفقج وجعل ربي ما يفرق
بينكم ويرزقكم باكثر من الذريه الصالحه
ويجعل ايامكم فرح في فرح ويبعد عنكم
عيون الحساد والعواذل .. !!
بصراحه بالنسبه لموضوعج
انا ماراح أقول ما أأيد الزواج عن طريق الحب
لاني ماعمري فكرت اني اخوض هالتجربه أبدا
ولان عاداتنا وتقاليدنا هي الزواج عن طريق
الأهل .. ومن الله التوفيق .. ولكن هذا ما يعني اني اقولج لا
انا ضدج بهالفكره .. لا والله .. على حسب البنت وعلى حسب العائله
فيه ناس عادي عندهم وعاداتهم وتقاليدهم ماهي حجره شوي .. ونصيحتي
لكل بنت انها تنتبه لنفسها والله قليل الحب الصادق اللي يجي بعده زواج
مثلج الحين تقولين بحياته ما طلبج تطلعون مع بعض او تشوفون بعض
وهذا دليل على صفاوة نيته .. فانتبهو لكل صغيره وكبيره واللي يحب
مستحيل انه يطلب من حبيبته شي ما يرضاه لخواته وانتو فاهمين قصدي
والله يوفقكم يااااااااارب
الصفحة الأخيرة