هل تتدخلون في مشاكل الصغار

انا عن نفسي اتدخل في هذي المواضيع كثييييييير

اذا كان الطفل من 6 سنوات واكثر اكيد بتدخل واذا كان اقل راح اتغاضى واتجاهل لانه ما يفهم

والطفل اذا اخطأ او ضرب احد من اقاربه لازم تتدخل الام وتنهرة خاصة اذا كان متعمد ايذاء الاطفال

واكيد راح يكون الغقاب على قد عمره ومستوى تفكيره

طيب ايش الفايدة لو ابن العم ضرب بنت عمه وما اتدخلت في الموضوع؟؟؟؟؟

يعني استنى يفقع عينها او يكسر ظهرها بعدين اتدخل؟؟؟

الاطفال جهلة فلازم نكون حازمين معاهم حتى لا يتكرر الخطأ

هذا راي؟؟ ومادري عن الباقييين

شوفي

غالبا اسكت وامشيها اذا كانت المشكله ماراح تتطور وتكون مؤذيه للاطفال وهنا اوقفهم واقول : خلاص عيب يكفي ترى ابفرقكم عن بعض او امسك اللي غلطان واقول : عيب ياماما لا تضرب فلان


اما غالبا اتركهم وما اتدخل ابدا وحتى اهلي واغلب حمولتي ما يتدخلون
وبالعكس احس اذا تدخلوا الكبار خربت السالفه
واصلا ما افكر فيها لان لو عطيت الشيطان اذن ما راح اخلص بيحاول يخرب النفووس فانسى الموضوع من اصله وما افكر فيه

وبصراحه زياده ما احب الام اللي تتدخل بين الصغار في كل كبيرة وصغيره احسها صغير عقلها وتدور المشاكل





اما اذا كان الموضوع من اطفال اكبر بكثير يعني اكبر من طفلي ب5 سنوات واكثر ومسوين عليهم ابضايات هنا اتدخل بس بأدب واحاول احتوي المشكله او آخذ عيالي عندي




اما اذا ضربوا عيالي غيرهم اهاوشهم واعاقبهم :42: عادي وبالذات اذا حسيت ان اللي قدامهم ما يقدر ياخذ حقه او صغير

ملاااااااااااحظة

زي ما انا اعاقب اولادي اذا ضربوا غيرهم

لازم الاطفال يتعاقبوا من امهم او ابوهم

لانه بصراحة مافي احد احسن من الثاني

كلهم اطفال ويتعاقبوا ... اقل شيء بالحرمان من اي شي يحبوه

والام اللي ما تقدر تحتوي طفلها وتكون حازمة معاه ... راح يصعب عليها الموضوع اذا كبر

بس زي ما قلت اذا كان الطفل من ست سنوات يعني كبير ويفهم الخطا

والله جيتي على الوتر الحساس

بنتي عمرها 3سنوات واذا اجتمعنا مع اهل زوجي ولد اخته عمره في عمرها تقريبا وكل ماأخذت لعبه او اي شي نط الملقوف واخذه منها وهو قوي ويصارخ عليها وهي المسكينه على طول تصيح وماتأخذ حقها ابداااااا

وش اسوي احيانا يهاوشونه اهله واحيانا لا،، واحيانا كثيره انا اهاوشه بس ماأدري احس اني بزر

وهو الله يهديه يقهرني بتصرفاته هذي،،
وش رأيكم اتدخل والا اسكت؟

مشاكل الاطفال ما تنتهي
واحيان لازم يتدخل احد من الكبار يحاول يحل الموضوع بس بدون ما يمد يده لان هنا تختلف
المشكله وتصير بين الكبار 0
وبعض الاطفال يلقى تشجيع من اهله بانهم يتغاضون عنه وما يشوفون غلط ولدهم0 وينتبهون
من اي احد يقرب لولدهم ويهاوشونه لو كان اصغر من ولدهم
وبالنسبه لي أتعامل مع الاطفال عادي لكن لو تدخل احد من الكبار لازم أتدخل وادافع عن عيالي
ما يصيرون زي الفريسه وانا قاعده اتفرج واقول كبري عقلك 0( عامل الناس كما يعاملوك)
وهذا قانوني الجديد في الحياه بعد ما ندمت على ( كبري عقلك )
اتمنى ما اكون طولت عليكم