هل تتزوج هذا الرجل ؟

السلام عليكم ورحمة الله وبركاته ،،،

صديقتي مأساتها مأساة كبيرة هي متزوجة من حوالي سنتين وزوجها ما حسسها إنهم متزوجين يعني دايما يشرب ويسكر وما يصلي ومن سجن إلى سجن وما يشتغل وهي كانت تصرف عليه وهو يالس في البيت .
حاولت معاه في هالسنتين إنها إتغيره لكن بدون فايدة ، مب راضي يتغير دايما يخونها وياخذ فلوسها لين ما تراكمت عليها الديون وهي محتارة ما تقدر إتخبر أهلها بمشاكلها وياه لأنها هي إللي إختارته محد غصبها عليه .
وزوجها الحين موقوف على قضية مالية كبيرة وهي حاولت إتساعده لكن بدون أي فايدة .
واحد يقرب لزوجها من طرف أمه كان واقف معاها وساعدها كثير ، وهو حاليا يتعالج من مرض ومدة علاجه هي سنة كاملة ، والحمدلله تماثل للشفاء وهو يدور حاليا على وظيفة وراح يحصلها في خلال مدة قصيرة .
هذا الرجل يحب صديقتي وغرضه شريف إنه يتزوجها وهو على خلق ويراعي الله ومطيع لوالدته .
المهم صديقتي إتفكر إنها تتطلق من زوجها الحالي ، والسبب مب قريب زوجها لكن السبب إنها ملت من زوجها وما تقدر إتعيش على ذمته يوم واحد .
الحين هي محتارة أتوافق على قريب زوجها ولا لأ ؟
وهي خايفة من المشاكل إذا إتزوجها هذا الرجل ، لأنه يقرب لزوجها وهي ما تبغي إن أي حد يتكلم عليها بالشين .
شو الحل في نظركم ؟ وهذا الرجل أصغر منها بحوالي ست سنوات لكنه على خلق وطيب كثير