هل تتضايقين من تصرفها ؟

السلام عليكم
حوائيات انا ساكنه جنب اهل زوجي الجدار ع الجدار وفي بيننا باب الزبده الآحظ على ام زوجي اذا بتخانق البزارين بس تخانق عيالي وتصيح عليهم انا ساكته اقول عادي جدتهم ولا عمري زعلت لي معهم 13 سنه وربي ولا قد زعلت امشي الامور واسكت ولعلمكم اني ماامدح نفسي انا السلفه الوحيده اللي احبهم وربي ان الباقي مشاكل معهم ولا يحبونهم طبعا سلفاتي وسلفاتي يقطن كلام على ام زوجي وحمواتي ويسكتون عليهن! لان كل حمواني واقفين مع حريمهم بس خل ام زوجي او بناتها يقولون كلمه لحريمهم او عيالهم وربي لايزعلون حمواني ويهاوشون وانا ماادخل زوجي ولا ابي مشاكل معهم ! ولا واذا جن الحلويات والعصير والشيبسات لعيالهن ويطيرون الام وعيالها لسماء؟ وعادي مشيتها لاتقولون ضيفات كلن بيوتنا جنبهم و اخرتها اليووم انغثييييييت كثير بالله بتزعلون او لا
ولدي وولد حماتي اللي هي اخت زوجي يلعبون وولد حماتي وربي ان هو الوحيد الازعااج وغثيث بشكل وولدي يلعب معه ولاتقولين ساكته عن عيالك لا وربي اني اقوم واهاوش ابيهم يجلسون واسكتهم وحتى انظف ورا عيالي واشوف ام زوجي تهاوش وخلصت سهرتنا ومشيناا والا ولدي بالبيت يقول انا مااحب حدتي قلت ليه قال طقتني قلت عادي جدتك وانتم غثيثين ازعجتونا قال طيب ليه بس طقتني انا ماطقت فلان اللي هو ولد بنتها قلت الا طقته قال لا بس طقتني انا مو تقولن يكذب ولدك لان كذا مره يقولون لي عيالي هالكلمه ان تطقهم او تهاوشهم لحالهم! وحز بخاطري وتضاايقت قلت عادي ذي جدتك قال مااحبها ليه بس تطقني وفعلا مااشوف الا تهاوش وتطق عيالي طيب كلهم غلطانين ليه ماتطقينهم وخاصه ولدي ذا والله مو مزعج ولا يغث احد ولد بنتها هو اللي صيااحه واصل لصالة الضيوف ويشوفون ولا يتكلمون ؟
طيب خلونا من انها جدته انتم لو تشوفون هالتفرقة خاصه بين عيالك وعيال سلفاتك وعيال حمواتك
حطوا نفسكم بمكاني وعيالكم بمكان عيالي حتى لو زرتهم اجلس ساعه وعيالي صرت مااجيبهم لهم الا مره بالاسبوع ولا اشوف اي تقدير مدري لاني طيبه معهم واعتبرهم اهلي مانوا علي؟
حبيت افضفض واشوف اراكم بالموضوع ومابي كلام يغث رجااء من اللحين اللي تبي تكتب رد يغث الله يصلحك لا تكتبين وخلصنا