هل تتغير طريقة الطبخ بفرن الكهربا؟ ارجو من لينا وباقي الخوات الرد

أولا أبارك لك والله يعطيك من خيره ويكفيك شره

والرز طريقته سهله بس الله يعينك على زين الوصف ههههههههههههههههههههه

لما يتشرب المويه وتبدى تبين الحفر من سطح الرز قصري على النار خليها أقصر درجه

وغطيه بفوطه واتركيه ربع ساعه

بعد ما ينشف تماما شيليه وخليه في الفرن اللي مشغلته تدفيه فقط يعني أقصر درجه في الفرن من أسفل

اللي ينشف الرز لما يتخلى على النار لمدة طويله


بالنسبة للفطاير والكيك فرن الكهرب أفضل من الغاز

وعادي الفطاير والكيك لهم درجه معينه

وبقول لك طريقتي ويمكن للأخوات طرق ثانية ,,,

الكيك أشغل الفرن من تحت على درجه 350 أو 300 حسب نوع الكيك قبل ما ادخل الكيك ولما ادخل الصينيه اوقت المؤقت واخليهامن 30 إلى 40دقيقة وبعدين أختبرها بعود أو سكين إذا نضجت أشغل التحمير من فوق لمدة عشر دقايق على 350 وإلا أخليها على النار من أسفل لعشر دقايق ثانيه ولا افتح الفرن مطلقا قبل نص ساعة وإذا ذابحتني اللقافه وأبي أشوفها أشغل اللمبه وتفرج من ورا الزجاج ههههههههههههههه وبعدين أطفي الفرن وأخليها 10 دقايق وأطلعها وأغطيها بفوطه

أما الفطاير أخليها على 300 ونفس الطريقة بس أشوفها بعد 15 دقيقه واشغل التحمير من فوق إن نضجت وإلا أخليها لوقت أضافي 5 دقايق وارجع اختبرها

والتشغيل من تحت bake

ومن فوق broile

والله ييسر لك

والله المستعان

رجعت ثاني ههههههههههههههههههه

نسيت أسألك عن نوع فرنك مو لقافه ههههههههههههههههه بس علشان أنا الفرن حقي فيه عين للتسبيك يعني تشتغل على درجه حرارة منخفضه جدا وهي تصلح للرز أو للمرق اللي أبغاه يتسبك على نار هاديه ومكتوب عليها سيمر SIMMER


والله ييسر لك

والله المستعان

الله يجزاك خير يالينا وييسر لك امورك ويبارك فيك على هالمعلومات القيمة

نوعه ماجيك شيف صناعة امريكية
ومابعد طبخت فيه لحد الحين باقية على الغاز لين افهمه بس ماراح اطول لاني لازم اشيل الغاز واحط الكهربائي مكانة ماعندي محل يشيل الاثنين وزوجي ماقتنع فيه يقول ان طفا الكهرب وش بنسوي ؟ وانا ماهمني الا طريقة استخدامه اخاف اتفشل عند زوجي واهله لو ماضبط طبخي عليه لانهم يقولون انه بطيئ ويحرق ومن ذا الكلام بس انا مقتنعة بالكهربا وان شالله يبيض وجهي

لينا ابي اسألك لما اختار باك او الثاني هل لازم افتح باب الفرن لاني لما ضغطته طلع لي كلمة دور وذدا فتحت الباب يكفي ولا لازم توقيت ابيك تفهميني طريقة تشغيله من الداخل بالتفصيل الله يفرج لك يارب

الله ييسر لك

بقول لك شغله أول ما بديت أطبخ فيه رعب وخوف هههههههههههههههه مو لشي بس علشانه جديد

وأنا طول حياتي على الكهربائي العادي

بس اللي فادني بعد رحمة الله الكتالوج

تقولين بسوق طياره ههههههههههه الكتالوج عند الفرن ما اشغل شي لما أقرا ههههههههههه

وألحين سبحان الله عادي لو تبيني أفكه وأركبه حاضرة ههههههههههههههه

والبيك bake و broile

ما يتطلب تصكرين الباب وعادي تفتحينه وتصكرينه

والمؤقت عادي ما له إرتباط هو بس للتنبيه

يعني تقدرين تشغلين أي شعله فوق أو تحت من غير توقيت

وسؤال ثاني هههههههههههه ومو لقافة فرنك فيه تنظيف ذاتي ؟؟؟

لأنه هو اللي يتطلب تصكرين الفرن ويقفل الباب ذاتيا عند التنظيف

وتوكلي على ربك وقوي قلبك وقولي وردك وابدي اطبخي

والله ييسر لك

والله المستعان