هل تتوقعون امي تكرهني

السلام عليكم
اكتب لكم موضوعي هذا بدموعي وحرقه قلبي
امي ياناس امي
اللي المفروض احن الناس علي لا العكس
تكرهني ماترتاح لي معاملتها مع اخواتي عادي
عندي ٢ اخوات وحده متزوجه والثانيه بالجامعه
تعاملهم عادي بس لما اكون موجوده تدلعهم قدامي بطريقه تلفت الانتباه
لاتفولون تغارين اقسم بالله ما اغار بس احتاجها والله لو صار عمري ١٠٠ سنه احتاجها
تنتقدني فكل شي وتنتقد زوجي وتمدح زوج اختي زوجي خدووووووووووووووم يخدمها بعيونه بس انه فقير وزوجي غني كل ماشتري شي تقولي ماله داعي لما تدخل بيتي تحسسني اني ناقصه عن باقي الناس لان بيتي متواضع وتمدح فبيوت خلق الله باختصار اي شي ناقص عندي تحاول تبرزه وتفخمه عند الناس انا مو بيدي ياناس هذا رزق ونصيب من الله
عمرها مادقت علي وقالت تعالي يا بنيتي عندي
بالعكس تزعل لاجيت وتتضايق اشوف صاحباتي مع امهاتهم غير ينامون عندها وياكلون معاها انا لا لو انام عندها تطردني ولا تستقبلني في نفاس ولا مرض يوم كنت حامل المشيمه نازله قلت يمه بجي عندك قالت لا خليك فبيتك جلست ثلاثه شهور ماتحرك زين واكل من المطاعم حرقه فقلبي صاحبتي عند اهلها من السابع امها تقولها عشان ترتاحين
لو اروح لها وانا لي ثلاثه ايام ما اكلت ماتعطيني لقمه
اختي المتزوجه ساكنه بمدينه ثانيه وماتجي الا بالاجازه اما انا اجي فالاسبوع مره وياليت القى احد اسولف معه
كل مادخل عليها تقولي والله كنت طالعه وانك جايه طالعه وين عند جاراتنا تسولف لما تجي اختي تاخذها عند كل جاراتها الا انا لا ماتبغاني اروح وذاك اليوم زاروها جاراتها وانا موجوده جابت لي قهوه وتمر عشان اجلس لوحدي وراحت عند الضيوف وربي اسمعهم يسالون عني لان ولدي يلعب عندهم قالت خلته وراحت مشوار وانا جالسه لحالي فغرفه ليه طيييييب
لاتفكروني ماني اجتماعيه وربي محبوبه من الكل حمد لله بس مدري ليه كذا
بديت اضعف بديت اتحطم ارجع من عندها ابكي نفسي اقول لزوجي نفسي ارتاح زوجي انسان راااااايع طيب وابن حلال بس تكرهه ولا تحب سيرته
وانا تعبت احس نفسي ضايعه
ياعالم وين اروح وين اولي اذا حست اني زعلت تدق علي وتحط نفسها تسولف معي وتضحك يعني مره ماتراعي مشاعري دايم اكلمها بجيك يمه تقولي راسي مصدع بنام وبعدين اعرف انها سهرانه عند الجاره
اقف مذهوله وسط ذا كله
واذا رحت عندها ماتسولف بس وزنك زايد بشرتك خربانه شعرك معدوم وتمسك جوالها بدق ع بنيتي حبيبتي وتسال عنها وعن فلان زوجها الله يستر عليكم الله يحفظكم
انا كلمتين وتقفل فوجهي
طططططفششششششت
يعني من جد برها جهاد تعبت ليالي وانا ابكي وش الذنب اللي سويته احتاج امي زي باقي البنات
كل هذا صار بعد زواجي ولا قبل كانت عادي
يعني بعد ماتزوجت تعاملني غريبه مره تحاول تفرق بيننا حنا الاخوات
اختي المتزوجه نفس شخصيتها
ع فكره جدتي عاملت امي بنفس الاسلوب والكل يلاحظ وخاصه مع كبر سن جدتي صارت خركاتها ملاحظه قدام الناس
وامي اليوم تعيد الكره معي
وش اسوي مستخيل اصارحها لانها تقلب كل شي علي
ادعولي بالله