لا ما احس بشي ابد ابد لا وهو قريب ولا وهو بعيد هههههههه

والله ياأختي بعض الاحيان يطلع احساسي صح وبعض الاحيان خطا بس احساسي يكون في شي ثاني مثلا يكون على انه مسوي غلط او شي ممكن يجرحني هذي سبحان الله ابعد عنها واحساس يقول لاااااااا شوفي فصرت اكره احسااااسي صدق وساعات اظلمه والله ياقلبي عليه يعاني معي الصراحه

بقولك عن نفسي مره كنت نايمه زماااااااان لما كان زوجي يداوم الفجر وفجأه قمت من نومي مفزوعه واخذ التلفون واتصل على زوجي اسمع صوته عادي وفي الطريق بعده ماوصل الدوام دوامه بعيد وفي طريق كله شاحنات !! قلت له فيك شي قالي لا ! متأكد !! ضحك قالي غفت عيني وكنت بدعم سياره جنبي لو مانبهني سواق السياره !!!

ومره كانو اخواني الشباب بيطلعون مع ربعهم دبي أو ابوظبي ما اذكر بالضبط هذا قبل لا اتزوج يحضرون مباراة وجاني احساس مادري كيف افسره حسيت بضيق وخوف ورحت لخوي وقلتله لا تروح استغرب قلت له حاسه ان بيصيرلكم شي قلبي مو مطمن وانا الكل يخاف من احساسي واحلامي خخخخخخ وبالفعل كنسلو الطلعه وراحو ربعهم كان بيصيرلهم حادث خطير وربي ستر !!

ومره في مول الامارات بنتي رايحه مع خالاتها وهالبنت تمشي بدون تركيز يعني عادي تروح بصوب وانتي تمشين بصوب ثاني وما تنتبه لين تنادينها عمرها 7 سنوات ونبهت على خواتي ذاك اليوم ديرو بالكم على فلانه وكل شوي اعيد عليهم وكان المول زحمه لما رجعو تقولي اختي افحصي بنتك !! قلت لها ليش خير قالت كانت بتطيح من فوق السلم الكهربائي وسحبتها بيدها ولولا ستر ربي كانت تدرحرجت من فوق لين تحت حطت رجلها وبدون ماتنتبه وما نشوفها راحت بروحها على السلم !!!
كثير اشياء احس فيها وتطلع صح مو دايما بس اغلب الاحيان وخصوصا مع زوجي وعيالي :)

الانسان بعض الاحيان يصير عنده احساس

تبون تضحكون وتشوفون احساسي لين وين وصل ؟؟؟؟

مره رايحين دبي وقبل لا ندخل دبي مرينا الشارقه نبغي شغله كنت انا وزوجي واختي واخوي ولما خلاص بنطلع من الشارقه بنروح نتعشى في دبي كنت حامل واتوحم وقلت لزوجي مر المقهى الشعبي في الشارقه مشتهيه ( نخي ) يعني حمص مطبوخ شو تسمونه بليله يمكن ؟؟! المهم قالي خلاص رحنا ومافيني ارجع ومادري شو قالت له اختي يا فلان تراها حامل ودير بالك بكره تطلع في وجه الجنين حبة حمص طبعا بمزح واخوي يضحك قالي خلاص نرجع الشارقه كله ولا الجنين خخخخخخ المهم رحنا وخذنا الحمص وطلعنا على دبي وفي الطريق قرب المطعم اللي متعودين نتعشى كل مره فيه نشوف سيارات اطفاء تمشي قدامنا وبنفس الاتجاه يعني كنها رايحه لنفس المكان اللي نبيه اانا بعفويه اقولهم هذا المطعم احترق رد علي اخوي اعوذ بالله من فالك ليش تفاولين على المطعم خلينا نتعشى بالاول خخخخ
قلتله صدقوني المطعم احترق واللي احترق فيه كابل الكهرباء شفته اخر مره كان جنب الحمامات وانتو بكرامه كيبل للكهربا وكان فيه نفس صوت التماس وقعدت اسمعه ذاك اليوم واقول الله يستر لا يحترق ونحن بالمطعم رغم انه مطعم فخم في دبي
قالت اختي حشى بتسوين فلم وزوجي يضحك ويقول حرقت المطعم لا وبعد حللت سبب الحريق حشى مب احساس

وظلينا نمشي بالسياره وسيارات الاطفاء قدامنا لين وصلنا للمطعم وشفنا الناس كلها برا والمطعم مظلم وفيه شويت دخان وسيارات المطافي وقفت قدام المطعم وطلع بالفعل تماس في الكهربا وريحة دخان وكل الزباين هربو برا المطعم !!!!!!!!!

طبعا ردت فعل زوجي واخوي واختي الصدددددددددمه والكل لف علي وقالي الله واكبر عليك شو انتي ساحره !!!!!
قلتلهم شفتو احساسي الصادق وشفتو لو ما اخرتكم في الشارقه عشان الحمص كنا اللحين مع الناس اللي واقفين برا !!!!!!!