شي خيالي @shy_khyaly

عضوة فعالة

هل تثقين بالتداوي بلأعشاب بشكل عشوائي فترة النفاس ؟؟

السلام عليكم ورحمه الله وبركاته

النفاس مرحله مهمه بالنسبه لنا ..
دايم اسال نفسي ليش شعوب العالم يكون فيها النفاس موضوع طبيعي والمرأه عندهم تقوم باعمالها من ثاني اسبوع او ثالث اسبوع وتتحرك بدون مشاكل ..؟؟
هل بنيتهم اقوى مننا ؟؟
هل ياخذون فيتامينات ؟؟
هل حنا نبالغ بمعاملة المرأه النفاس ؟؟
هل الهوى والشمم ومشاكل الارحام موجوده عندهم مثل ماهو موجوده بثقافتنا ؟
هل الرياضه بالعالم الغربي لها دخل باعاده الجسم الى طبيعته بينما حنا تتكفل فيه الاعشاب والادويه ؟؟

بالنهايه ممكن يكون اختلاف في البنيه ..

عندنا لا قلنا نفاس يعني (تداوي بلأعشاب )
طبعا شي جميل التداوي بلاعشاب .. بس هل طريقتنا صحيحه من ناحيه التحاميل والخلطات والكبو اللي مالها اي ظمانات طبيه ؟؟

قريت كتاب للدكتور جابر القحطاني .. وهو دكتور معروف في مجال الطب والتداوي بلاعشاب ..

هذه سيرته الذاتيه تبارك الرحمن ..
http://www.brooonzyah.net/vb/printthread.php?t=19548

عني شخصيا اثق بالطبيب العادي فما بالك بلانسان اللي تعدى مرحله كونه دكتورالى مراحل علميه وامتيازات وبحوث..

المهم الدكتور في كتابه تحدث عن الاعشاب والخلطات ومنها المردود اكثر من مره ونبه ان اي خلطه للمردود هي مردوده سواء من اعدادك او اعداد العطارين ..
واي خلطه اثناء النفاس يجب ان لا تؤخذ وانما تؤخذ كل عشبه لوحدها ..
لانها ان لم تؤثر عليك فهي خطيره على الطفل اثناء الرضاع >>>>>لذالك كانت تكثر امراض الاطفال قديما ..

الدكتور ذكر عده اعشاب يمكن التداوي بها اثناء النفاس ..
البابونج
قهوه القشر وهي مدره للحليب
الشمر او الحبه الحلوه
الكمون
الحلبه
اليانسون ..
التمر ..
والرشاد
كلها تؤخذ على حده ..
وذكر غسول تستخدمه النفاس ..

انا استغرب من برامج بعض الاخوات ..يستخدمون اعشاب بشكل مفرط وعشوائي بناء على نصيحه الوالدات الله يحفظهم او مواقع انترنت واشخاص مجهولين .. تاكدو اذا ما ظركم يمكن يظر جنينك .. والام بالتاكيد تكون مسيكينه تبي تنفع بنتها وهي يمكن تظرها ..

اعرف وحده هي وخواتها كلهم بعد نفاسهم يجيهم نزيف وتعطيهم امهم الله يحفظها خلطه وياكلونها ويمدحون بهالخلطات ..
وهم مساكين مشااااااكل وكل يوم مشكله توقف مشكله وتبدى ثانيه ..يوم تشخص امها المشكله انها هوى
ويوم خراب لانها نست يوم بالنفاس ما اكلت مدري وشو
ويوم شمم وعلى هالحال
...تعبت وانا اقولها خليك من هالخلطات وروحي دكتور يعالجك ..تقول لا امي الشهر اللي فات عالجتني وظبطتني ..

الطب تطور الحين وكل مرض له علاج ..واعتقد اننا جيل واعي ومتعلم كفايه اننا نسال اي طبيب او خبير اعشاب عن الاعشاب وضررها والجرعه اللازمه ...

ما ننكر ان النظام الغذائي اللي يتبعونه امهاتنا صحيح مليون بالميه وكله فوائد ..واعتقد ان فوائده يمدنا بالطاقه اللازمه لمعالجه الجسم ..
اما الاعشاب فوضعها يجب اعادة النظر فيه بناء على نصيحة الدكتور القحطاني ..
واخيرا لا تنسى كل وحده تدعي لاامها وجدتها ان ربي يجزاهم كل خير على التعب اللي يتعبونه معنا من حنا صغار الى الكبر ..

اللي تخالفني انا ارحب بوجهة نظرها وما فتح المنتدى الا لتبادل الخبرات وتنبيه بعضنا :26: ..

يلزم عليك تسجيل الدخول أولًا لكتابة تعليق.

تسجيل دخول

بشبيشي • 15 سنة

الله يجزاك الف خير وكلام سليم

بنت الاجاوويد • 15 سنة

كلام سليم وجزاك الله الف خير

m333 • 15 سنة

الله يعافيك والله يعينا

بنيه حنونه • 15 سنة

m333 :

الله يعافيك والله يعينا

الله يعافيك والله يعينا

انا اوافقك على كل كلمه
والله يوم ولدت في استراليا اني اشوف الامهات بعد رابع يوم ولاده في نادي المستشفى اللي تسوي تمارين واللي تمشي واللي تسبح ..والله ان بعضهم تاخذ النونو معها في عربيه وتنزله الحديقه وتمشي ..والا تشوفينهم في مطاعم المستشفى كل وحده مع العربيه والنونو ..واكلهم كله خضار وعصيرات وفواكه يعني خفايف ..والله اول ما ولدت جتني الدكتوره وجابت لي عصير برتقال مع ثلج قالت لي اشربيه وبعدها ودوني للحمام الله يكرمكم وعلى طول تحميم ..
وحنا تسدح اربعين يوم والا اكثر ..واكلنا كله دسم واعشاب مدري وشهي ..هذا اللي يخرب حريمنا ويزيد وزنهم ..والنونو ما يشم الهواء الا بعد ما يكمل شهرين ..

يوم شفتهم قلت بجرب اسوي مثلهم خصوصا اني بلحالي في الغربه ..صرت اعتمد على نفسي كثير ..وبعد اسبوع صرت امشي في حديقه قريبه من البيت .. وكل يوم اشرب شاهي اخضر وقرفه ..وابتعد عن الحلى واكلي ما تغير مثل ما هو قبل النفاس وغسولي كان مويه دافيه وملح .. وقبل ما اخلص نفاسي ب3 ايام استخدم المره كغسول خارجي والحمد لله احس اني ما تغير فيني شي بالعكس رجعت نفس اول واحسن ..

~الحلم الوردي~ • 15 سنة

بنت الاجاوويد :

كلام سليم وجزاك الله الف خير

كلام سليم وجزاك الله الف خير