انا ما جاني طلق من اول بس نزلت مويه والرحم كان منفتح واحد سم بس بعدين عملو لي طلق صناعي اول شي تحملت الالم لكن بعدين ماقدرت اتحمله لأن انا الدورة لما تجيني كانت تتعبني مره والم الولاده الي حسيت فيه كان اضعاف الالام الدورة صرت اصارخ بدون اراده كنت احاول امسك حالي لكني ماقدرت مش من الخوف اصلا نسيت اني حولد كنت اصارخ من الالم لأنه شديد حتى حرارتي ارتفعت والمكان صرت اشوفه اسود كان بيغمى علي لأني ماعدت اقدر احرك اي شي في جسمي حتى زوجي خاف ونادى الممرضه لكن لما قربت الولاده يعني لما بديت احس براس البيبي يطلع ماحسيت بالالم قد قبل حتى ان البيبي طلع وانا مادري لكن بعد شوي حسيت النوم في عيني وماني قادره حتى افتح واشوف البيبي والحين انا حامل في الشهر الثالث والله يعينا على الولاده ان شالله ماتكون مثل اول مره

بنات ذكرتوني بولادتي بولدي الاول طلق صناعي من الساعه ثمانيه مساء الى سته صباح الي مستغربته الممرضه تمسك يديني وتبكي بكى مو طبيعي وعندي ممرضتين ماتركوني ولالحضه وحده وفرحوا بولادتي بعد ماطلع البيبي يضحكون من الفرحه والممرضات جوني يشوفوا البيبي بعد ماولدت مع أن مافيني شي مميز الاأنهم ميزوني وأهتموا فيني مع أني والده بمستشفى بريده للولاده والاطفال والناس تسب فيهم بس أنا واجهت أهتمام وأنا أعتبر طلق ولدي الاول عادي الموت ذقته بالثاني مع ان الطلق الحامي من الساعه خمس ونص الى الساعه 12ونص والحمد لله وصلت لمرحلت الاموات لاني وأجهت جدتي وعمي وسولفت معهم وبعد ماأفقت الاعندي مصريه الله يجزاها بكل لمسه لمستني بها وكل حرف قرته علي درجه من درجات الجنه يارب أنها بكت من أجلي فأرحمها برحمتك يارب برحمتك بنات لما صحيت ضحكت بوجهي وتهديني وبدت تقراى على سورة الزلزله بصوت عالي وتمسح بطني وتضرب ضرب خفيف على رجليني من فوق الركبه الى البطن وبعدها بثواني بدت لحضات الخروج مع أنه ثلاث ساعات ثابت الجنين بميول بسيط عن فتحة الخروج وكانوا يحاولوا أنه يتحرك من مكانه ثلاث ساعات وتحرك بثواني وتمت الولاده وكانوا الممرضات ياخذوا ولدي ويرضعوه يبون يريحوني الشي المضحك أمي بولدي الثاني كانت تطمني وتقول فلانه ولدت مادرت عن نفسهاوهذاء صحيح والحرمه كبيره بالسن وجتني وتحلف ليه بعد أنها ولدت ولحد الحين تحسه زي الحلم المهم أمي تحكيلي من هالسوالف تبي تطمني لاني كنت خايفه بعد ولادتي الاولى أنا لما جاني الموت أردد كذابه مافيه ولاده بساعه تدرون من أقصد بكذابه امي لا وعلمتها ودايم ياقلبي يأمي تعلق علي بها السالفه زوجي وولدي كرهتهم ذاك اليوم زوجي أكيد هو السبب وبكرهه لكن وليدي مدري ليش كرهته مضلوم وجايبه اخوه وهو ماكمل سنتين ......................قالت قصة حياتها

كلامك نفس كلام زوجي :hahaha: انا اوصف له الولاده وهو يقول لو هي بهالصوره ماحملتي مره ثانيه بس سبحان الله هو اللي فطر المرأة على النسيان والا كان مافكرت تحمل ابدااااا .. انا اذا دخلت الكشك وبدا معي الطلق اجلس افكر بيني وبين نفسي واقول يامجنوووووونه كيف رجعتي للالم مره ثانيه واستغر ب من نفسي مرره ههههه..
بس تدرين لحظة مايطلع البيبي تفرحين فرحة وتحسين بسعاده عمرك ماتتخيلينها واللحظات هذي تسوى الولاده والامها والدنيا كلها .. والدعاء وقت الولادة مررررره يهون عليك ويربط على قلبك ..

فيه موقف مانسيته بعدماخلصت من الولاده اسمع وحده تصارخ على زوجها قبل ماتولد يعني كان الطلق فيها وتقوله كله منك انت السبب

وهو المسكين مايدري وشسوي متفشل عند الناس

ماتنلام من الوجع الي فيها

الله يسهل عليكم ويحفظكم من كل مكروه يارب