معاج حق الحاله النفسيه تنعكس على البشره انا الاحظ هالشي
وبعد حالة الجهاز الهضمي اذا زينه وكل شي تمام تكون البشره غالبا صافيه وصحيه
احس كثره الكريمات تخرب الوجه اكثر ماتحسنه
استخدمي كريمات خاصه للبشره الدهنيه انا احاليا استخدم كريمات ايفون للصباح والليل واحس انها زينه
واستخدم غسول لويس ويدمر
لاتستخدمين غسول نتروجينا كلامج معناه ان بشرتج تحسست منه
وعندج غسول للبشره الدهنيه ممتاز من الشاي الاخضر تحصلينه بالصيدليات
جويل
•
انا بعد مشكلتي الخطوط بالوجه من جم يوم رحت السوق ومريت المركز الفرنسي وقلت خل اسوي فحص للبشرة وشوتلي وقالت كل شئ اوكي لكن هناك تجاعيد تحت البشرة باديه تظهر ولازم تعتنين فيها ومع انه عمر اول الثلاثينات بس هالسبب من وجود هالخطوط والتجاعيد فقداني للوزن تقريبا 21 كيلو ياثر علي الوجه وخصوصا الواضح في جبهتي وعطتني كريم ليل ونهار لشد ومعالجة التجاعيد بس بسالكم اشرايكم في هالماركةcollistar وفي احد مجربها؟؟؟
وشنو الماسكات الطبيعية للشد البشرة وخصوصا للتجاعيد ؟؟؟؟؟
وشنو الماسكات الطبيعية للشد البشرة وخصوصا للتجاعيد ؟؟؟؟؟
الصفحة الأخيرة
الله يجزاكم خير يابنات انا عندي خطوط على جوانب فمي لما اجي أبتسم
اللي هي الخطوط التعبيريه وبصراحه مكبرتني أحسها وأحس بدت تطلع لي
على جوانب عيوني على خفيف وتحت عيوني على خفيف بعد خطوط صغيره
وجوانب الذقن أحس بعد فيه خطوط مع اني ببداية الثلاثين ...
انا ما أنكر انه من عمري ماعتنيت ببشرتي بس من العام الماضي وهالسنه
ونا مهتمه ببشرتي والان للأسف من كم أسبوع طلعت لي فيها حبوب
على جوانب وجهي وخدودي مع انها كانت صافيه والكل يقولي بشرتك طالعه
حلوه أحلا من الأول لأنها فعلا جتني فتره بعد مارحت لإخصائية الجلديه
وصرت أستخدم الأدويه والمراهم والحبوب أختفت الحبوب من وجهي
وبعد ماخلص العلاج صرت أحط عسل على وجهي والحمدلله لقيت مره نتيجه
حلوه منه وبعدها صرت أخلط بياض بيضه مع ملعقة عسل وونصف ليمونه
وحبة البركه ثم احطهم بوجهي لماينشفون ثم أغسل وجهي منهم وأنا طبعا
بشرتي دهنيه بس هالمره وش سويت خلطت عصرة ليمونه مع ملعقتين زبادي
وملعقة عسل وحطيتهم على وجهي ومن بعدها شفت الحبوب منتشره بوجهي
والله ضاق صدري عاد انا الحبوب من النوع اللي اذا جات تجلس ماتتزحزح
وغير كذا تترك أثر أحيانا وهذا اللي مخوفني ومضيق صدري ..
فأتمنى تنصحوني وش أسوي عشان وجهي خاصة انه هالسنتين صرت أستخدم
غسول لفرك الوجه اللي يزيل الرؤوس السوداء وأمتنعت نهائيا عن غسل
وجهي بالصابون العادي او بسائل الأستحمام لأني قريت انه الماده اللي بالصبون
هي اللي تخرب الوجه وتطلع الحبوب فاصرت أستخدم الغسول والحمدلله من بعدها
بشرتي تحسن بكثير عن أول وأستخدمت بعد السكراب حق نيتروجينا هذا مررررره
حلو ريحته برتقال هو وصرت أغسل وجهي فيه قبل النوم وبعد ماأصحى لأن بشرتي دهنيه
فما أجلس من النوم الا ووجهي مدهن فهل مره فركت وجهي فيه ثم بع ماغسلته
حطيت مرهم للحبوب فالآن صرت محتاره وشو اللي مانفع مع الثاني السكراب مع
المرهم ولا الخلطه احترت اي وحده فيهم اللي طلعت بوجهي كل هالحبوب
وبعدين انا بعد ماأغسل وجهي أجيب قطنه واحط عليها ماي ورد بارد وأمسح فيها وجهي
مره يطلع الوجه حلو ومورد ومنعش ...
وحبيت أسأل انا كون وجهي دهني وش أستخدم له كريما لليل وللنهار ومن اي ماركه
وبالنسبه للتونك والمقشرات وغيرها وش ينفع مع بشرتي انا بصراحه دائما أخاف
لايطلع لي شي ويعلم ونا أعرف بشرتي حساسه مره ..
ايه نسيت أقولكم اني أستخدمت غسول من نيتروجينا لحب الشباب
وبعد أستخدامه طلعت لي حبوب ماتنشاف مثل الرمل على وجهي اذا لمستها
أحس فيها مدري ليه ومن بعدها ماأستخدمته :(
فأتمنى منكم النصح تراي والله جديده على عالم الإهتمام بالبشره فأتمنى بشرتي
تبان أصغر من سنها وأحب أطلع صغيره دائما والمشكله الأكبر ان الحاله النفسيه
لها دور عاد واللي عايشه زي حلاتي بستمرار مايمر يوم الا وفيه نكد لأني إنسانه
حساسه الله ينزع مني هالحساسيه النفسيه ويفكني منها من جد كنت أتمنى أني أكون
بارده لأن حرارة هاللي فيني كله طالع من قلبي ومن شبابي وصحتي وشعري اللي
شاب قبل أوانه ووجهي اللي بدت تطلع فيه هالخطوط والله ضيقة صدر أتمنى منكم
يابنات تساعدوني وتقولي أفضل الأنواع للبشره الدهنيه ومتى أستخدمهم وبالترتيب
اذا ممكن والله يجزاكم خير ومشكورين من كل قلبي