هل تحبى ان مشاكلك انتى وزوجك توصل للاهل

اختي
فعلا المفروض مو كل شيء يصير نخبر أهلنا فيه .... لأن الزوج والزوجة هم اللي يفهموا بعض أكثر من غيرهم
لكن أحيانا تصير مشاكل كبيرة حيل يعجز الاثنين عن حلها فالأفضل تدخل الأهل هنا ..
لكن فيه بعض الرجال حتى لو توصل لطلاق مايبغى أهل الزوجة يتدخلوا ولا حتى أهله ...
انا مرة صارت مشكلة كبيرة كادت أن تؤدي للطلاق فأخبرت الوالد فاعتذر زوجي له وبعدها هددني بالطلاق إذا تدخلوا أهلي ...
وقبل أقل من شهر صارت مشكلة كبيرة مرة وطردني لبيت أهلي والله ذاحين خايفة أدخل أهلي لأني قلت للوالد إنه مهددني بالطلاق إذا تدخلتم قال أجل اصبري
وقلت أحاول جاهدة أسوي اللي ربي يقدرني عليه

دعواتك لي بالفرج الله يرضى عليك

الله يفرجه عليكى وعلينا يارب

مو كل وقت حلو انها توصل للاهل
بس احيانا كثرة السكوت يخلي الزوج يتمادى

أكبر غلط اقحام الأهل بالمشاكل الزوجية

ممكن يتدخلون في حالات من تصل مرحلة خلاف كبيرة وخطيرة ومش كلهم الحكيم بيهم بس.

عيب يتدخلون وشق جيب بس فيه مشاكل قويه لازم للأهل علم بها مثل يكون الرجال اكتشفت فيه بلاوي

أو اذا تطول يده عليهاا ويسبها ويشتمهااا يعني مشاكل كبيره

قال الله تعالى : { وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيمًا خَبِيرًا }