أنا عن نفسي أكرة الزيارات المفاجأة

انا اكره الزيارات المفاجئة اذا الوحدة ودها تجي تدق قبل تجي بنص ساعة لأنه يمكن قاعدة لوحدي ادهن شعري, صابغة شعري, اتروش, او لابسه لبس معرى, واشياء كثيرة انتم تعرفونها ماود الوحدة احد يشوفها وهي فيها
وانا بقولها بصراحة اللي ماتستحي وتدق بابي فجأة وانا باحد الحالات السابقة ما افتح لها حتى واخلص شغلي كله واضبط نفسي ثم افتح لها.....
اما اذا زوجي جاب رجال فجأة عنده بالمجلس هذي عادي بكيفه هو وضيوفه اهم شي مايكون مع الضيف حرمة تدخل علي وانا مو جاهزة..

بحكم ماعندي مجلس خاص ومستقل بالضيووووف<<< لاني شقتي صغيررررة

فمااطيق الزيارات المفاجئة

احب يكون عند يخبر اق شئ قبل بيوم

احب استعد وارتب صالتي وارتب اموووري عشان اكون راضية عن نفسي

اللي يبغى يجي حياه الله انا فيني طبع قبل صلاة العصر البيت نظيف وانا لابسه لبس بيت وحلو وبنتي لابس نظيف وكل شئ جاهز والحمد لله التمر موجود والفصفص والمكسرات موجود والعبره بالزياره الوناسه مو الاكل والضيافه
بعدين اتوقع انوقت الزيارات واضحه الاربعاء خميس جمعه الاقارب وايام الاسبوع الجيران ووقتهم اما الضحى او بعد العصر او بعد المغرب وخلاص بهالاوقات بيتي لالالالالالازم يكون نظيف

بالنسبه انا اللي يتصل بصراحه يعيشني بقلق وضغط نفسي وش بسوي ايش احط كيف اقدم ايش البس عكس اللي يجي كذا تحسين الامر اسهل

حياهم الله بس اشوفها صعبه

عني انا شخصيا انا ما عندي شغاله وشغل البيت على راسي ومرات اكون في خضم العمل المنزلي ولابسه لبس جيش مب لبس بيت

فالزياره المفاجاه راح تكون محرجه بالنسبه لي

وهذا راي