أنا عن نفسي أكرة الزيارات المفاجأة

اغلب البنات اللي يقولون عادي يجون ناس بدون ما اعرف اتوقع انهم بيوتهم كبيرة والضيوف علطول بيدخلون بقسم الضيوف ..لكن اللي بيتها صغير وبمجرد ما يدخل احد غريب فجأة اطلع على كللللالبيت وكل شي فية!!!
لالالالا ابدا ما احب كذا انا في بيتي وعندي خصوصيات وما احب اي احد يطلع عليها الا بإذني!!!

انا عن نفسي احب الزيارات المفاجئة واعتبرها مفاجأه سعيده لي لأني طفشااااااااااااااااااااانه 24 ساعه ومااصدق احد يجيني بس بشرط يكون ضيف خفيف الظل وبسيط مايحب الكلفه ومايتدخل بخصوصياتي ويكون من عائلتي او عائلة زوجي لأني لمااشوف زوجي فرحان افرح لكن نادرا مايجيني احد غريب وغالبا الاغراب يتصلون قبلها ماجربت احد يجيني فجأه وان صار خلاص يتحمل يعني مولازم لبسي حلو وضيافتي كامله

بصراحة ومن غير مجاملات اللي تدرعم سيدا من غير ماتتصل بالأول هاذي وحدة ماتستحي ولا تعرف لا للإتيكيت ولا آداب دخول بيوت الناس وعلى فكرة ترى الإستئذاان خلق إسلامي ..والزيارات المفاجئة فيها ازعاج للناس وتضييق عليهم وممكن اطلاع على عورات الناس ! ....

وتصير معاي أكثر من مرة .... اكون مثلا أنظف البيت أو أنظف الحديقة ولابسة ملابس قديمة مخليتها للتنظيف وتلقين ملابسي قمة الاتساخ من تنظيف الغبار والجدران وبقع في كل مكان كأني شحاتة ... ويطق الباب فجأة فأكون مضطرة أطلع لضيوف الغفلة بهشكل المعفن وادخلهم ويقعدون ينطروني لحد ماتسبح واتنظف واطلعلهم يعني اللي تسوي هلحركة فعلا تحطني وتحط روحها في موقف سخيف ! وأحياانا يطقون الباب ونكون متواعدين في البيت من شهور على اننا نطلع في هليوم ونكون من الصبح نتجهز لهلخرجه ولابسين وخالصين شوي إلا يطبون ضيوف الغفلة هللي ماعندهم ذوق !!! والله أحيانا أسوي روحي مو موجودة مارد على ضيوف الغفلة تبينهم يستحون ؟شغالين ضرب علباب ! افتحي يا ام فلان افتح يا فلان نشوف الأنوار مفتوحة انتوو فيه ؟؟!!

والله أكره ماعندي هم هلنوعية يختي في اختراع اسمه تلفون وفي اختراع أحلى بعد عشان مايصير عذرج دقيت وتلفونج مشغول اللي هو المسج ... والناس حتى من أيام جدي كانو أفهم من ناس هلزمن .. بزمنهم اللي مايعرفون فيه التلفونات ولا المسجات ولا يعرفون السيارات كانو اذا يبون يزورون يرسلون عيالهم أو أحد أبناء الحي للشخص اللي يبون يزورونه ويقولون لها عن طريق هلطفل بما معناه اذا انتي فاضية اليوم بنجيك العصرية وهي عاد تشوف اذا رجلها يوافق ولا لأ وترسلهم الخبر اذا يجون ولا لأ .... مو حريم هلوقت أعوذ بالله يا انه بعضهم تتعمدد عشان تطلع على عورات الناس تبي تشوف وش عندهم .. ورجلها جالس عندها ولا لأ .. وبيتها نظيف ومرتب ولا لأ وهي سنعة ولا لأ الخ من خباثة ولقافة الحريم !! وبعضهن يسونها على حسن نية بس ما من فهم .. قليلة فهم يعني... تكون مارة قريب وتقول خليني أمر على ام فلان ماتدري هم شلون صايرة ظروفهم ! يمكن الحرمه عندها رجلها يتلاطفون ولا عندها أهلها الخاصين وجالسة تحل مشكلة خاصة معهم .. يمكن الثلاجة فاضية !! يمكن معزلة غرفة الضيوف وجالسة تنظف فيها !! أو تكون محنية شعرها ولا مزيته شعرها بوحدة من خلطات عالم حواء اللي يجي فيها ثوم وأنواع الروايح !! هاذي قط صارتلي ! مزيتة شعري بخلطة فيها ثوم ووجهي مشعر ماشلته من فترة مخليته لآخر الإسبوع أشيله حق مناسبة خاصة عشان يكون الشيل أنظف .. ومدهنة جسمي بفكس وليمون وفازلين ولابسة قميص بيت قديم عشان ماتتوصخ ملابسي والبيت فاضي مافيه إلا أنا ... تعالي يا أم فلان ومن بد خلق الله كلهم ومن بين كل هلأيام تسلطي علي بهليوم واوقفي عند الباب ساعة إلا أفتح !! وفيه وحده أعرفها كانت بتوصل مع زوجها للطلاق بسبب تطفل صاحباتها وجاراتها وزياراتهم المفاجئة !! الرجال اغتث من هلحرّمه اللي مايفتهمون .. الرجال يبي يستفرد بحرمته شوي يسولف معها شوي يلاطفها شوي يمارسون حقوقهم الشرعية الخ ! مسكين وظيفته شفتات وسفره كثير ويادوب يلقى وقت بسيط يقضيه مع حرمته إلا ضيوف الغفلة طابين عليهم !! لحد متى يتحلمهم؟ وصلت معه واشتبك مع زوجته لحد ماوصلت للزعلة الكبيرة وكان على وشك يوصلها للطلاق لحد ماحطت الزوجة حد لضيوف الغفلة ولاعادت تجاملهم على حساب أهل بيتها وزوجها !!!! اللي تجي من غير ماتتصل ويكون زوجها بهلفترة عندها ماتفتح لها لو تكسر الباب !!! والله مالومها شهلعالم اللي ماتستحي !! مايقدرون ظروف خلق الله ؟!!

ياربي هلناس متى تفهم ؟!! ياليت هلللي كل يومين مدرعمين عندي يقرون بهلمنتدى لعل وعسى يحسون شوي وتنزل عليهم الذرابة والذوق ويدقون قبل لايزورون !!!

انا بالنسبه ليه مااحب الزيارات المفاجئه ابد ابدااااااااااارغم اني بيتي نظيف لانه ماعندي اطفااااااااال بس احب لمن احد اجيني يكون بيتي يلق نظافه ولا غبررررررررررررررررة فيه