والله شي مو حلو أبداً
بس انا تعودت على هالشي تقريباً لأن بيتنا ماشاءالله كنه نقطة عبور :42:
على طول في أي وقت نتوقع أحد يجينا
الحمدلله البيت على طول نظيف مافيه الا انا والوالدة والوالد وأخوي
والباقيين متزوجين ومتزوجات وماعندنا أطفال الا اذا جونا عيال اخواني
ومن ناحية الضيافة مافيه مشكلة برضو
أي شي ع السريع
هذا غير ان ماما الله يحفظها على طول معبية الفريزر :7_2_103v: ودايم اللي يجينا فجأة كنه جاي بموعد
بس المشكلة اذا جونا ضيوف وحنا طالعين وهذي دايم تصيييير :06:
مرررة جونا ضيوف وكنا رايحين عند اختي وانا ماما بعبينا طالعين في الحوش والا الباب يدق
وطلعو حرمتين جايين لماما وماما قالت لهم تفضلو وقالو لا انتو طالعين مانبي نعطلكم
قالت ماما لا مو مشكلة اصلا انا كنت رايحة عند بنتي قالو أجل بنروووح معكم :22:
والله وارسل لأختي مسجات من السيارة جهزي حالك ترى معنا فلانة وعلانة
ومرة تخيلو جونا ضيوف واحنا مسافرين
خلاص طالعين للمطار جالسين نجرجر شنطنا
تخيلو الموقف ؟ :09:
ومرررة جونا ضيوف واحنا طالعين نجري انا وماما وزوجة اخوي رايحين نوديها المستشفى جتها حالة ولادة :04:
ومرة جونا ضيوف العصررررر بدري وكنا مسويين يوم النظافة العالمي انا وماما والشغالة
والحلو في الموضوع ان هالناس اخذو عني فكرة اني سنعة وثاني يوم دقو على أمي بيخطبوني :icon28:
بصراحة الذوق يقول لازم نعطي الناس خبر اننا بنجيهم مراعاة لخصوصية الناس
والله شي مو حلو أبداً
بس انا تعودت على هالشي تقريباً لأن بيتنا ماشاءالله كنه نقطة عبور ...
لو النية طيبة الواحد ما راح يزعل من المفاجعة