♡♡هل تحتاجين للحنان♡♡....؟؟؟

كنت صغيره احتاج لوالدي لكني لا اجده وان وجدته وجدت القسوه واعتبار ان كل ما تقوم به البنت عيب..اتمنى اضمه ويضمني اتمنى يبوسني في خدي اتمنى يمسك يدي بس للاسف كل ذا مالقيته مالقيت الا نظرة الاستحقار للبنت وانها غلطه وانها عيب..زوجني ابوي وياليته ما زوجني جاه واحد ما سأل عنه رماني عليه وكنت مررره محتاجه لكل ما فقدته من والدي الله يسامحه عطيته كل مشاعري كلها كلها وكنت مندفعه عليه لاني حسيت انه هو الحنان وهو الحياه اللي انحرمت منها فجأه وانا وحيده في مدينه بعيده لقيت نفسي مع رجل اقصد من ذكر انسان مهزوز مريض مدمن داشر ما يقدر الحرمه ولا يقدر العشره ولا شي ...حرمني من كل شي حتى من الضحك اللي كنت احبه وحرمني من اني اكلم امي وعمتي وكل احد احبه وفعلا سويت اللي يبغاه وفي شهر العسل انسجن عشان قضيه مخدرات سابقه وصبرت وماعلمت احد كله عشان ادور للحنان ..وخرج مع عقد اسوء من السابق ...تطورت السوالف ضرب وضرب ولعن واهانه وانا باقي ابحث عن الحنان ..جاني ولد واثنين وثلاثه وكل ما قلت لامي يا يمه تعبت قالت معاد لك مكان بالبيت اجلسي واصبري وجلست وصبرت..مغازله يغازل بنات واولاد..شرب يشرب..حشيش ويحشش..وقدام اهله والناس واااااو شي نادر من التصنع يسوي حاله انه تقي وانه عاقل ..ومحد يدري باللي يخبيه ...اهله يقولون انتي السبب ويردون كل شي علي لحد اني ماعاد الجأ لهم لاي سبب ...وكل ذا باقي ابي حنان ...تجيني الدوره وتنقلب نفسيتي واتمنى حظن وفعلا القى احظااااان من الكفوف والضرب ...يتعبون عيالي يضربني اذا صار لعيالي شي لازم انضرب وانهان وانلعن لين يسلمون واتطمن عليهم نفسي بيد تطبطب علي وتقولي معليش كذا الاطفال لا يصير الخوف خوفين عليهم ومن الضرب ...السغر خوف لانه يهيج في الطياره المطعم خوف لانه يهوج ويكسر الصحون التمشيه خوف رمضااااان للاسف كرهته لانه يفطر فيني ضرب واهانه والله ما هناني لاصوم ولا عباده كلها خوف بخوف ...الحمد لله .......اسفه ...بس هذا لاني محتاجه حنان مدري بلاقيه ولا بموت ويحتظني قبري ويكون احن علي من كل هالبشر ...