شوفي حبيبتي لا تلبسين شئ مو مقتنعه فيه
لان ذوق الكبار دايم بالذهب الاصفر
وصراحه ما يواكب الموضه
فممكن تلبسين ذهب ابيض مع الماس
او ساعه الماس , خواتم الماس بذهب ابيض طبعا
هذي كلها كشخه
والاكسسوار ممكن تخلينه لطلعات غير رسميه

تحيتي

احب الذهب والالماس وعندي بالدرج

احب اشتريهم بس اتضايق من لبسهم
حتى دبلة الزواج شايلتها

ما ارتاح

صراحه على الرغم اني ما احب البس الذهب الاصفر كثير الا انه احيانا تجيني نفس على اني اشتري رشرش وحزام وهامه اللي على الرأس لانه كل مرة اخرج لهم بتقليعة جديدة مرة البس هندي بأكسسواراته كامله وكل شويه شكل عشان كذا بغير بشتري رشرش وحزام والبس كرته حقت الجدات وافرق راسي واسوي جديلتين وش رايكم ؟ حلوة صح
ياكثر هذرك بس موضوع رائع خلونا نفضفض

أنا الذهب عندي ماأستخدمة أبد..ولا أفكر إلا أحياناً عند زوجي لأنة يحب الذهب عليّ..

انا مره ذهب اصفر(طقم صغيرون نعومي)
ومره ابيض
ومره اكسسوار
وكل مره شكل
بس الاحظ اهل الزوج دايم يحبون مرة ولدهم تلبس ذهب اصفر
عشان لا احد شافها يقول ماشاء الله...زوجة ولدهم متنعمه هههههه

عاد انا البس الذهب الاصفر عند اهل زووووجي
خصوصاااا اذا جوا ثنتين من سلفاتي
لانهم صدق ينغثون اذا شافوا وحده لابسه ذهب
واذا شافوني مو لابسه نشروا اشاااااعه
(((فلانه..زوجها باااااااااع ذهبها
مسكييييييييييييينه!!!!!
والله ماتلبس الا من ابو ريالين)))

فانا البس ذهب قدامهم ...لانهم من جد يغارون من الهوا
وعشان مايلقون فرصه
بس اذا تلاقينا مره ثانيه البس الي بكيفي
بس لازم كل سنه اوريهم ان لسه ذهبي ما احد باعه هههه

وعلى فكره
دايما الذهب الابيض والله ينظلم
الي لابسه ذهب ابيض=لابسه اكسسوار

بس الوحده براحتها
وفي ناس ماترتاح للذهب ابد..وتحس شكله مو حلو عليها... زي وحده خواتي

ودمتم سالمين