لا , انتبهوا
غلط الملكة تكون في بيت غير بيت البنت او من طرفها
لسا هي في بيت اهلها وهذي من معزتها وتزيد غلاها واحترامها
حتى لو البيت صغير قللوا المعازيم وسوو شي يستر على الوجه ويصير قمة

اساسا الملكه المفروض في المنطقه اللي انتو ساكنين فيها حتى لو اهلكم في منطقة اهل الخطيب
لو هي شبكه وحفلة خطوبه نقول أي تروحون لمن طقة اهلكم
بس هذي ملكه هم اللي يجونكم
عموما دام حسمتوها خلاص انها في منطقة اهلكم
اذا الناس قليل سووها في بيت اخوك اما اذ1ا اهلكم واهلهم بتعزمون كثار
لا والله حتى بيت اخوك صعبه احراج لاخوك وزوجته بيضطرون يفتحون غرف مايبون يفتحونها
افضل شي اجرو استراحه يوميه اقصد الاستراحات اللي يكون فيها مجالس وجلسات خارجيه
مش لازم طاولات وكراسي هذي ملكه انتو واهلكم وكان المفترض في بيت بس لظروف نقلكم تسوونها في استراحه
رخاااص يمكن حتى ب800 تلقون في هالوقت

والله فشلة لو تخلو يوم للحريم بدون رجال لوحدهم ومحفوفة بين العايلتين في بيت اخوك ولا تكون في بيت اهل الولد مرة صعبة

مدري ليش تخيلت العريس جالس بغرفته ومستحي وينتظر العروس تجي هههه امانه لاتزعلين

بصراحه عيي ومو حلوة بحقكم
معروف الملكة تكون بمكان يخص اهل العروس ولا جو المعازيم واهل العريس تستقبلونهم بس كذا صار العكس
سووها ببيت اخوك او باستراحه صغيرة حاولو تقنعون امك