كوبونات الراقية تسجيل الدخول

بنت الدوحة2000
بنت الدوحة2000 •
حمرة الورد أسمك حلو والله :) الله يعينك 7 سنين؟؟ والله تحسين فاتك كثييييير في علاقتك مع أهلك الله يرجعك سالمة ان شالله ,,,,وهذي الدنيا صارت تتغير في شهور شلون سنين بس ان شالله تعوضين اللي فات لما ترجعين لأهلك...

أختي ام دحومي الحلو أكيد أنه حلو دامك أمه :) هذي الظاهر ظاهرة طلعت في كل البلاد مو بس عندكم بالسعودية ... الله يعينك على هالجو والله مادري شلون بتحمل لما أرجع نهائي لا ويحسسونك انك متخلفة لو ما جاريتيهم والا زوجك بخيل !!!!!
تخيلي أثروا على أمي بكلامهم لدرجة انها تبي تشتري لي شنط ماركة عشان ما يتكلمون عني ويقولون ما تلبس مع اني ألبس بس بحدود يعني ما أسرف والله أستخسر شنطة ب6 الاف والا فستان ب15 الف؟؟؟
والله من 3 سنين كان اللي تلبس فستان ب5 يعني هذي بطرانة!!!!!
الظاهر هذي نتيجة الأسهم وبلاويها!!!
em mohamed
em mohamed •
أم دحومي الحلو أم دحومي الحلو :
حتى عندكم في قطر !!؟؟ أنا حسبت بس عندنا في السعودية ..!! أنا بدت رحلة التغرب عندي من زواجي من خمس سنوات .. وخلالها قعدت سنة ونص في السعودية .. والله تعبت مرررررررة .. وكل مرة أرجع فيها .. يصيرون أردى .. قليل اللي بقوا على حالهم ..!! أنواع المظاهر .. والماركات .. والأفكار السطحية .. جوالك وش نوعه!؟ .. الغطا اللي عليه مرة مو ستايل .. شنطتك كبيرة مو حلوة .. ليش مالبستي حلق لونه كذا!؟ .. يعني سوالف باااااااايخة .. وسطحية !! وإذا قلت لهم وش ذا تغيرتوا مرة .. يقولون والله انت صرتي قروية .. هذا وأنت رايحة برا .. :30: الشكوى لله .. زاد الإهتمام في الدنيا بشكل قوي وغريب ومفاجيء ..!! يمكن من الفضائيات .. يعني إلا لازم نصير زي هالمذيعات والممثلات ..!!
حتى عندكم في قطر !!؟؟ أنا حسبت بس عندنا في السعودية ..!! أنا بدت رحلة التغرب عندي من زواجي...
السلام عليكم


حتى عندكم بقطر والسعوديه,,,
وليبيا نفس الشيئ ...
بس بالتأكيد أحنا اللى تغيرنا مو ناسنا
الغربه علمتنا الكثير خصوصا نوعية تفكيرنا وأستقلاليته,,,,
بغربتنا ما فيه مناسبات علشان كده ما بنهتم بالماركات واللبس والفشخره,,,,,
يعنى مو معقول كل ناس بلادنا تغيروا نحن بالاصح تأثرنا بالبيئه اللى عايشين فيها.....

أنا سؤالهم المتكرر ليش عندك ثلاثه عيال بس لحقى زيديهم قبل ما اتريح عليك خخخخخ:42:


الله المستعان
بنت الدوحة2000
بنت الدوحة2000 •
يعني تتوقعين يا أم محمد لو كنا هناك كان تغيرنا معاهم ؟؟؟ والله المقربين حولي صاروا يشكون لي نفس الشي طبعا العقال منهم ويقولون لي كيف أنهم تعبوا وهم يجارون هالناس.. وحدة قريبتي تقوللي ياحظك ما تقعدين في كل مناسبة تحاتين وش تلبسين وتتخانقين ويا زوجك عالطالعة والنازلة عشان تقدرين تلبسين كشخة (بعد عمري اضطرت تشتغل مع ان ماودها والسبب ان زوجها توه في بداية حياتة وما يقدر على طلباتها وهي مو قادرة تتحمل الضغط الاجتماعي حولها غصب عنها تبي تجاريهم ).
أم ميثانة
أم ميثانة •
خواتي الحبيبات ..

أنا اختكم في الإمارات.. بس انا الحمدلله مب مغتربه .. لكن احس باللي تحسوونه.. احس اغلب الناس صاروا تافهين وسطحيين .. حتى ناس اصدقائنا واهلنا.. لدرجة اني صرت احس نفسي أنا اللي غلط مب هم.. والله ربيعاتي في الجامعه كل وحده شكل وانواع التبرج والزينة مع وجود الكاترة والوضع كأنه عــــــــــــــــــــــــــــــــــادي,, الله يعيننا ويرحمنا برحمته...

((فطوبى للغرباء))
بنت الدوحة2000
بنت الدوحة2000 •
أختي أم ميثانة ياهلا بك أحنا الحين والله العالم في الزمن اللي القابض على دينه كالقابض على الجمر يارب نطلع من هالدنيا سالمين من شرها (اللهم يامقلب القلوب ثبت قلوبنا على دينك).