طبعا مثل مانتي جا يشوفك العريس الشوفه الشرعيه بتلبسين أحسن شي عندك وأثمن حتى يكمل صورتك وشئ طبيعي اذا عندي معلومه ان الخاطب وضعه المادي زين أكيد كل شي فيه يهمني سياره ولبس وكل شي حتى لو حصل احاول اعرف نوع القلم والمحفظه بس اذا قال ان وضعه المادي ممتاز اما اذا كان وضعه عادي ف أتوقع سيارته بتكون عاديه   ي ارفض ي أوافق والزواج اهم شي فيه القناعه في الشخص الثاني 

ليش تسالين عن السياره تتزوجيها مثلا!!!!!

في بنات هنا مادري ايش من ردود عليهم
الحين تسألكم سؤال عن السيارة وحالة صاحبها تقومو تقولولها اهم شي الخاطب يكون دين واخلاق
وان كل الناس تقدر تشتري سيارات فخمة
الحين ايش دخل الدين والاخلاق هذا الشي مفروغ منه
مع ان حتى هالشي ماتقدري تحكمي عليه الا بالعشرة
لكن لما يجيكي خاطب عارفة انه مقتدر بالمرة وغني
ويجيك بسيارة كورلا والا سيارة مقربعة شو بيكون معناها غير انه بخيل
ومدام مستخسر يغير سيارته فاكيد بيستخسر يعمل فرح محترم وبيستخسر يفرش شقة فخمة
واما اللي تقول الشباب يحبو السيارات القديمة مين قالك قصدك الشيبان اللي يحبو القديم ويعرفو انها اقوى لكن الشباب لو تحصله كل سنة يغير سيارته باجدد نوع مايقول لا

امممممم في هالحاله اكيد
وتراه اكيد مايهتم للمظاهر ومايحب التجديد
فانتي شوفي نفسك اذا من النوع يحب الفشخرة والتجديد بتتعبين معه

لا ما أحكم نهااائي
لأنه فيه ناس مرررره على قد حالهم و سياراتهم كشخه وكلها تقسيط و ديون !!
وناس سياراتهم عاديه مرتبه و حالهم ممتاز ....
الله يوفقك و يسعدك ...
من حقك تشكين خلونا واقعيين شي طبيعي إذا هو يملك ملايين و مغنيه الله و تكون
سيارته عاديه شي طبيعي بنتفاجئ و نستغرب و نخمن وضعه هو بخيل أولا ؟!

آبقولك هالسالفه بس لا تضحكين علي لكن جد مستغربه ههههههههههه
مره أتابع محطة الكاس و قت دورة الخليج و جابو مباشر زيارة
الأمير تركي بن عبدالله أمير منطقة الرياض و بصرررراحه تفاجئت بسيارته
أودي و موديل عادي و هو ألي يسوقها بنفسه بدون سواق ؟؟؟؟؟؟؟؟
يعني أمير و ولد ملك و يملك أموال الدنيا تبارك الرحمن يقدر يطق أغلى سياره بالدنيا
و يحط له سواقين يخدمونه لكنه أكتفى بموديل سياره شكله يفضله
و أستغنى عن وجود السواقين مثل حال بعض الأكابر و ساقها بنفسه
هل بنقيم الأمير تركي بأنه بخيل ؟! لا طبعاً بس هذي ممكن تكون رغبته يحب
يطلع بمظهر بسيط بعيد عن البهرجه و يكفيه العالم كله عارف من هو ؟!
و هالشي ينطبق ع ألي خطبوك تجار و ماعليهم بس يمكن رغبتهم تحكمهم !
و مايكون طبعهم بخيل
ضربت لك مثال الأمير لأني تفاجئت ببساطته الله يحفظه !