بقولكم تجربتي علشان تتعضون انا جلست سبع سنين ماحملت بالرغم من العلاجات الكثيرة حتى التلقيح الصناعي سويته ومافية فايدة المهم بعد سبع سنين تزوج اخو زوجي اللي اصغر منه وحملت زوجته وجاهم بنت وكنت كل مارحت لحمولتي 0كانت خالتي تخاف على بنتهم مني ومرة اذكر كانت ملبسة بنتها فستان فقالت خالتي لاتلبسون البنت هالبس ينخاف عليه قصدها مني لانه ماكان فيه احد غريب 0المهم انا في هالساعة انقهرت ودعيت ربي في ساعة حررة ان الله يرزقني علشان خالتي ماتقول كذا مرة ثانيه وبلفعل بعد هالسالفة بيومين حللت وطلعت حامل0ومن فرحتي انا وزوجي من المستشفى لبيت اهلة طوالي حتى حريم عيالهم دروا وماكملت فرحتي اسبوع الى وتوقف نمو الجنين وبعد شهرين سويت عملية تنظيف 0بس بعد هذا اللي صار توعدت نفسي اني مااقول لاحد حتى اهلي لين مايبان الجنين ويبان نبضة ويكبر بطني والله يكفين واياكم شر كل حاسد0:44:

سبحان الله كل و حدة لها أسبابها الخاصة.......(لغرضا في نفس يعقوب)

انا ماحملت ابد من تزوجت (سنتين) و ام زوجي بتموت و تشوفني حامل و طبعا كل من أعز عليه يدعون لي ليل نهار و الله ... الله يجزاهم خير.......... و الحين انا حامل بس ماحد يدري ماعدا طبعا أهلي و هم بحكم المسافات ماعندهم إتصال كبير مع أهل زوجي و لله الحمد لان هذا يحفظ خصوصية حياتك الزوجية من جهه و خصوصية حياة أهلك من جهه أخرى (وجهة نظر فقط)

بس طبعا ام زوجي أكيد تعرف و ليتكم شفتم فرحتها......بكت بكى سنة بساعة من الفرحة الله يطعم الانسات بحماة مثلها و الله.

بس السبب الرئيسي اللي ما خلاني أقول هو لاني الزوجة الثانية و لو عرفت الزوجة الاولى يمكن تتضايق........ صح علافتي فيها طيبة و يمكن تتصل و تبارك بعد ....... بس المشكلة اني أعرف انها راح تتضايق و انا بيني و بينكم أخاف عليها تتعب لانه اهي بعد حامل و حملها بشكل عام متعب وهي توها في بدايته و غير مستقر و تنزف و يمكن خبر زي هذا يتعبعا و الله أعلم على الرغم ان ماشاء الله عندها خمسة الله يحفظهم..... فحبيت اني أخفيه على الاقل لحد ما أوصل الرابع اوحتى الخامس و تكون هي حالتها أستقرت...


كثير من الناس يعارضون كلامي و منهم زوجي و يقول هذا شرع الله ومهب إنسان مؤمن من يخالف ذا القول و انا أعرف هذا الشي .......... بس انا أقول مثل مالنا حق على انفسنا ، الناس ايضا لهم حق علينا و لازم نقدٌر و نصبر لوجه الكريم..........


انا الحين 11 أسبوع ...... أدعولي الله يثبت حملي يا أخوات ويرزقكم جميع الذرية الصالحة

مشاللله ولا حول ولاقوة الابالله عليكم بنات والله يخليلكم عيالكم ويثبت حملكم ويرزقني انا وكل البنات الي ماحملو عاجل غير اجل يارب العالمين

انا بصراحه يدرون عني من يوم التحليل وكان عندي الامر عادي لكن شفت ام زوجي تعلم على حريم عيالها من يحملون

ولا بناتها مستحيل تقول شى ماندري الا اذا صارت بطونهم قدامهم ولو تسالينها ماتقول لذلك انا قررت اني اذا

حملت ان شاء الله اني ماراح اقول الا لامي وبس والباقي مالي شغل فيهم عساهم يزعلون

ولا يرضون لانه وحده بوحده وخصوصا اهل زوجي