مااحب اعلم اذا كنت حاجزة للسفر قبلها بفترة
من كم يوم صديقة اختي كانت بتسافر ماليزيا هي واهلها ومجهزييين كل شي بس سبحان الله تفركشت كانوا حاجزين قبلها بشهر وماخلوا احد ماعلموووه انهم بيسافرون

بالنسبه لي إندماجي مع أهل زوجي أكثر من أهلي وطلعاتنا وروحاتنا مع بعض (شله) من نظري وناسه أكثر في الدرب ..
ونتوكل على الله ونقرر متى السفر أبلغ أمي وخواتي ونبلغ أهله لو ماكان أحد معنا من أهله ولو رحنا مجموعه تراهم عارفين ..
نتوكل على الله ونقرأ دعاء السفر وعن نفسي أقرأ سور المنجيات والدعاء ونتوكل على الواحد الأحد ..
والسفر بالنسبه لي ومن حولي عادي كل واحد حر متى يقرر يسافر ..وعادي لما نسافر ماحد ينشر الخبر لبرع البيت إلا إذا أحد سأل عننا ..

ولما تكون رحله ماحد معنا من الأهل نتصل لأمي ونبلغها وعمتي أم زوجي ونبلغها وبالعكس ياخذوا الموضوع بصدر رحب ويقولوا لنا تروحوا وترجعوا بالسلامه ..
بالنسبه لأمي هي دائما تروح مع أختي وأولادها لأنها مطلقه وترافق أيضا أختي الكبيره لأن مشاويرهن متشابهه ..وأما بالنسبه لأم زوجي ماتحب السفر يالله يالله تروح مشاوير قريبه كله همها البيت والعيال..

بصراحه إستغربت من رد الخوات بأن السفر له حسااااااااااد ويمكن يكون ليش لا وما لاحظته ..وأنا قلت هذا بسبب أصبح الآن الكل يقدر يسافر مادام قادر يصرف على سفره وفي الصيف نجد الناس تخرج يا سفرات داخلية أو خارجية ..
:)

أختي تالالولي

فأنا ناويه لو رحت بقول اني في اليمن ولا جيزان ولا عمان لان ما فيه ناس من الجماعة يروحون لها

مافهمت قصدك ..ليش الجماعه مايروحوا عمان ..إسمح لي جاني فضول وحابه أعرف ..

أفضل محد يعرف لقبل السفرة بيوم أو في نفس يوم السفرة إذا كانت برا بس لو داخلية يعني قبل 4أو5 أيام مايضر

سبحان الله