منجو :

لا ما تطلع وش بتنفعها فيه الطلعه بتحل مشاكلها ؟ ولو فكرت تطلق مثلا هل تتوقع بيجيها إلي على كيفها ومزاجها ؟ لنفرض جاء عيالها ذا الأربعه مافكرت فيهم ولا بمصيرهم ولا بنفسياتهم ؟ تقول إنه ترادد زوجها وقت عصبيته وهذا أكبر غلط !! إذا شد طرف الثاني يرخي حتى تمشي الحياه و وقت العصبيه والنرفزه ينقز إبليس بينهم ويعمل عمايله ويدهور وضعهم مافيه أحد ماعنده مشاكل بس يفرقون بطريقة إستيعاب المشاكل وحلها بالطريقه الصحيحه ترى كلنا لمعلوميتك وأنا أولكن لو بتهور وقت الزعل وما أتعوذ من إبليس وأربط فمي وآطلع من مكان الهوشه كان علوووم !! تتعود على كتم غيظها وتتعود إنها تسكت وقت الزعل لإنه إذا الطرفين كلهم دمهم فاير ويرادون بعض بيتطور الموضوع لكلام جارح ومدت يد !! لكن إذا شافت زوجها توتر تسكت وتهج لغرفتها وتتعوذ من إبليس وتستغفر وما تناقش وتأجل النقاش لوقت ثاني يكون الطرفين روقو وفكرو بهدوء وبأريحيه ! إلي حريصه على إستمرار حياتها الزوجيه وعلى مصلحتها ومصلحة عيالها بتسوي المستحيل !! ضرب فيه طرق كثيره تربيه بس مو الطلعه من البيت والعناد هو الحل ! سبها وتلفظ عليها برضو فيه طرق كثيره ترد لها إعتبارها وتخليه يحترمها ! بس تطلع من بيتها وتعاند وتفتضح وتفكر بعد هالسنين تنهي حياتها ومستقبل أطفالها بالطلاق هذا مو منطق !! تجرب حلول ثانيه قبل تفكر تطلع من بيتها مانفعت هالحلول والمشاكل صارت لا تطاق ومستحيل ينصبر عليها وإذا الطرف الثاني ماعنده نيه إطلاقا يتغير وسيئ بشكل فضيع ولا يطاق هنا تطلع من بيتها بس غير كذا تبقى غلطانه !

لا ما تطلع وش بتنفعها فيه الطلعه بتحل مشاكلها ؟ ولو فكرت تطلق مثلا هل تتوقع بيجيها إلي على...