مساءكم / صباحكم سعيد
حبيباتي انا حصل معاي دا الموقف قبل مدة
ظروف الموقف كنت انا لحالي في البيت وزوجي كان مسافر لشغلة يومين وراجع
المهم ايش اللي صار كنت جالسة في الغرفة سمعت من الشقة اللي قدامي وبيني وبينهم جدار بس لو يرفعوا صوتهم او انا ارفع صوتي يوصل كل شي المهم داك اليوم اسمع زعيق وبكا و شهييييق شي يعور القلب اتاري الرجال طايح في الحرمة ضرب ويحركوا الكراسي وتبكي تقوله حرام عليك انا ما سويت شئ بس اكلم في التليفون وزي كنه يضربها في الجدر ويزيد البكا وهو يسبها ويلعنها وانا اوريكي وهرج يخوف قمت انا قفلت بابي دا الكلام الساعة 3 الفجر تقريبا وادق على زوجي وتخيلوا سمع كل شي بدون ما افتح المكبر اقوله خلينا ندق على الشرطة يقول مالنا شغل يقول احنا مو زي الافلام لما يسمعوا اصوات يدقوا على الشرطة والله لا يورينا الرجال واحنا اللي نتجرجر بعدين لاننا ازعجنا السلطات قلت لازم نسوي شئ دق على جارنا المصري اللي جنب دي الشقة وبينهم كمان جدار قله انا سامع كل شئ بس مقدر ادخل وكلموا الحرس برضو قال مالي شغل
بعدين هجدوا
تاني يوم كنت في غرفتي جوة مالها جدار متصل مع دولا الجيران من غرفة النوم اسمع نواح احد من الطاقة فكيتها اسمع دي الجارة تصرخ وتقول فكني حرااااام عليك نواح
اتاريه البعيد حبسها وهي تزعق ورجعوا للضرب وكراسي تطيح وحال يقطع القلب وهي تزعق افتح الباب وهو يزعق عليها زعييييق يفجع وسب ولعن وخرج من الشقة وانا خفت وخرجوا الجيران ويقولوا من اللي محبوس في المصعد قلهم لا محد وجلس برا عند الباب بعدين دخل وهجدت الاصوات
المشكلة محد قادر يدخل ورحت عند اهلي 4 ايام رجعت مالهم حس طلعوا نقلوا
وانا بس افكر في دي البنت واني مقدرت اساعدها وليش ما عندنا شرطة لما نسمع زي كدة ندق عليهم :44:
أحبك يا أمي @ahbk_ya_amy_1
عضوة نشيطة
يلزم عليك تسجيل الدخول أولًا لكتابة تعليق.
ماصارت عاد
•
لاحول ولاقوة الابالله
الله يفرجها من عنده...
ممكن هي تكلم حقوق الانسان ويساعدوها فورا .. حاولي توصلين له وتعطينه الرقم اذاكانت بالسعوديه الرقم1919
والله العظيم لز انا مكانك اتصل ع الشرطه ولا ابالي ولا اشاور احد
اذا كان شيء قوي ماراح اسكت ليه يعذب وهي تموت من العذاب وانا اسكت...
ممكن هي تكلم حقوق الانسان ويساعدوها فورا .. حاولي توصلين له وتعطينه الرقم اذاكانت بالسعوديه الرقم1919
والله العظيم لز انا مكانك اتصل ع الشرطه ولا ابالي ولا اشاور احد
اذا كان شيء قوي ماراح اسكت ليه يعذب وهي تموت من العذاب وانا اسكت...
الله يكون بعونها
ان شاء الله ربنا مو ناسيها وارحم عليها منا
مالانا الا الدعاء قدام هذي الحالات
الا اذا هي استنجدت باحد ممكن تتدخلون عن طريق الشرطه
ان شاء الله ربنا مو ناسيها وارحم عليها منا
مالانا الا الدعاء قدام هذي الحالات
الا اذا هي استنجدت باحد ممكن تتدخلون عن طريق الشرطه
الشرطه عندنا في خدمة الشعب
والشعب عندنا هم الرجال
والاهل عندهم بنت الرجال تصبر على زوجها
وبنهايه حنا بمجتمع رجولي
لكن اين قول الرسول رفقا بلقوارير؟؟؟؟؟؟؟؟؟؟؟؟؟؟؟
سؤال تمنى ان يجيب عليه رجل
وان اجاب عليه .......تكون اجابته في فترة الملكه والخطوبه واول اسبوع العرس
فلسفه بس حقيقه
بنت الرجال تصبر على رجلها
حتى لو مدمن مخدرات
والشعب عندنا هم الرجال
والاهل عندهم بنت الرجال تصبر على زوجها
وبنهايه حنا بمجتمع رجولي
لكن اين قول الرسول رفقا بلقوارير؟؟؟؟؟؟؟؟؟؟؟؟؟؟؟
سؤال تمنى ان يجيب عليه رجل
وان اجاب عليه .......تكون اجابته في فترة الملكه والخطوبه واول اسبوع العرس
فلسفه بس حقيقه
بنت الرجال تصبر على رجلها
حتى لو مدمن مخدرات
الصفحة الأخيرة