هل ترضين تتزوجين زوج صديقة عمرك ؟؟؟

الله يعطيكم العافيه وحياكم الله
طبعا انا مو من الناس اللي انزل مواضيع وماذكر متى اخر موضوع او سؤال كتبته اكتفي بالردود فقط

لكن هالموضوع بالذات شوقني حيل انتي اكتبه وهو يتكلم عن وحده شفناها بالجمعيه الخيريه لما كنت رايحه مع صديقتي المطلقه وطبعا اكثر من مره شفناها وسولفنا سوالف سطحيه لكن الاسبوع اللي فات اتصلو الجمعيه
على صديقتي انو لازم تحضر فيه مساعدات المهم رحنا من بدري وبما انوو كان زحمه شوي وفيه حريم كثير قالو لنا انتظروا لين يجي دوركم وبالصدفه شفنا الحرمه هذي مره ثانيه ولان دورنا باقي عليه وقت
تعمقنا فالسوالف وهي سالت صديقتي عن سبب الطلاق ومن هالامور وصديقتي سالتها عن سبب طلاقها لكن قصتها غريبه جدا او يمكن ماهي غريبه لكن نادره

قالت انا مطلقه من قبل وعندي ولد عمره الحين 7 سنوات وبعد ماتطلقت تزوجت زوج صديقتي اللي اعرفها من سنين احنا تفاجانا وكيف وليش مالقيتي الا زوج صديقتك قالت والله العظيم هي اللي خطبتني له واصرت اني اتزوجه وجلست شهرين تترجاني وتحاول تقنعي وانا رافضه تماما وصارت تكلم امي وتترجاها والسبب ان زوجها قرر يتزوج وملزم لانها معاد حملت عندها ولدين وبنت وعمرها تقريبا 42 وانا عمري 34 وهي عارفه ان زوجها كذا ولا كذا راح يتزوج فماتبيه ياخذ وحده تغيره عليهم وتبعده عن بيته وتخرب علاقتها فاهل زوجها قالت لي انا مابي الا انتي على الاقل صديقتي واعرفك واحبك وتحبيني وبنكون على قلب واحد الزبده انها بعد هذا كله وافقت وتحلف بالله انها يوم جت الشوفه ودخلت عليه وطلعت من عنده جلست تبكي لين تقطع قلبها لانها ماتتخيل انها تتزوج زوج صديقتها المهم تم الزواج كل شي تمام لكن صارت تحس بالخنقه لان صديقتها تبي تمشيها على كيفها بدون قصد مثل لما بيروحون لاهل زوجها تقولها لازم نروح مع بعض خلهم يعرفون ان احنا على قلب واحد ومانفتح مجال لاحد انه يخرب بينا واسمعي لو يسالونك عن عن الشي الفلاني ردي عليهم بهالكلمه تقول حتى لما تملكنا كل يوم تكلمني تسولف معي ها امانه ماحش فيني ؟؟ ماطلع عيوبي عندك ؟؟وبرضو لو جينا بنزور وحده من خواته او بنات اخته والده او مخطوبه تقول لازم نشتري هديه ونكتبها باسمنا سوى انا وياك حتى لو بنروح سوق او شي تبي مع بعض تقول تخيلو حتى قمصان النوم تتدخل فيها اشتري هذا ترى فلان يحب هالاشكال
المهم هي طقت كبدها ومعاد صارت ترد على صديقتها يعني معاد صارت تحس بالخصوصيه وتحس ان صديقتها زوجتها زوجها عشان تخليها اداة تحركها على كيفها انا طبعا تلقفت وسالتها طيب الرجال وش وضعه هل حبيتيه هل يعرف بكل اللي يصير قالت لا مستحيل ابين له شي لكن المصيبه اني بديت احبه وودي اخذ راحتي معه تخيلو لما صرت ما ارد عليها كل شوي ترسل مشاءالله شكل ابو فلان نايم فالعسل الله يهنيكم يعني مزحه برزحه انو اكيد تسسون شي تقول شوي شوي صرت ازبد لها وانفس عليها وحتى لو تقول كلمه فالواتس بمزح ماعطيها وجه كذا احس اني حاقده عليها ولما عرفت امي قالت يمكنك حامل وتتوحمين فيها
قلت ابد ماني حامل ولاشي بس مليت معاد ابيها تدخل فحياتي وجا يوم وارسلت لها رساله طويله شوفي يفلانه انتي صديقتي على عيني وراسي وغلاك محفوظ وانتي اللي زوجتيني زوجك بقناعتك لكن خلاص طفح الكيل وانا احتاج مساحه من الحريه فحياتي مو شرط نكون توام في كل مكان وكل مناسبه اذا تبين صداقتنا تستمر انسي اني متزوجه زوجك اعتبريني وحده ماتعرفينها افصلي بين اني حرمة زوجك وبين اني صديقتك تقول جلست ترسلي وتتشره علي وتعاتبني واني معتبرتك مثل الاخت ولولا غلاك ماعاملتك كذا ومن هالحكي المهم جلسنا سنه منقطعين وبعدها انا صارلي ظرف قوي وتطلقت برغبتي لكن فيني حنين لصديقتي اتمنى نرجع مثل قبل اتمنى ارسلها لكن ماتوقع بتسامحني بعد ماجرحتها بالكلام حتى لما توفت امها ارسلت اعزيها وماردت على رسالتي وهذا دليل انها مجروحه مني طبعا انا وصديقتي جلسنا ننصحها انو حاولي ولاتياسين وان شاءالله بترجع علاقتكم احسن من اول ومن هالكلام لكن والله طول الطريق وانا افكر هل ممكن وحده تقبل تتزوج زوج صديقتها حتى لو باست رجلها توافق ؟؟


وعلى فكره انا اخذت موافقتها اني انزل قصتها لان صارت ارقامنا عند بعض وتعرفنا على بعض اكثر