مشكورة ام جود ماقصرتي انا حريصه كل الحرص ع اكسابهم المهارات وغربتي قبلتها عشان اطفالي يكتسبون لغه ولا يتعبون مستقبلا والدراسه هنا اقوى بكثير من دراستنا وخصوصا انها تركز ع تنمية مهارات الطفل بالدرجة الاولى بحكم اني تربويه وقد سبق اني حكمت مناهج ومعلمات لكن عيالي تاثرت نفسياتهم لما عرفو انهم اقل عن اصدقائهم وهم فرحانين انهم انجزو سنه انا معاك بكل كلمه قلتها لكن سنه تضيع والله ماهي بسهله

اختي دخون حبيبتي لا تأزميها اولادي ضاعت عليهم سنتين ولدي الكبير منتظر منحه من الحكومه عشان يكمل دراسه علما ان بالذات هو ضاعت عليه 3 سنوات سنتين بأمريكا وسنه بالسعوديه والحمدلله اهم شيء التميز والمهارات وهذي سنه ماهي كثير ابني الصغير برضه ضاعت عليه سنه يالسعوديه والسنه الثانيه نص بالسعوديه ونص بامريكا والحين ماشاء الله عليه متميز والكل في مدرسته يعرفه ويحبه يعني سنه موضوعها بسيط والدراسه مالها عمر عندي صاحبة امي بريطانيه عمرها 70 ولا زالت تدرس الحضارات الاسلاميه مره في المغرب ومره في اليمن ومره في مصر ماقالت ضاعت سنين عمري هونيها حبيبتي والله يوفقهم ويبارك فيهم .

ان شاءالله خيره مشكوره اختي الدانه وجزاك ربي الجنه

انا مع دخون ونفس مشكلة بنتي
لكن نفسيا البنت متثرة وتواصلت مع الدكتورة كوثر النجيدي
وهي عرفت انها نفسيتها تعبت من هالشي
وعندنا بالسعوديه الكل يقول انتي مو نفس صف فلانها ليه
والاطفال ماخلوها بحالها
الام عادي تضحي علشان عيالها لكن الناس مايرحمون
بناتي يتكلمون عربي ويفهمون جيت هنا اسبانيا ومن انزل اجازة الكل يقولهم ماتعرفون عربي
يعني ضغط نفسي
او يخلوهم يتكلمون اسباني ويسجلوا اصواتهم
التخلف عندنا وحاسه فيك دخون النفسيه لها دور كبير

هلا حبيبتي شعلا صحيح كلامك لكن هذي ظروف انكتبت للواحد وربي هو المقدر فخلاص نحاول لانأزمها هونيها وبتهون فهمي بناتك انهم متميزين انهم يعرفوا لغه انا واولادي عانينا بس شفت اننا نطنش وانا وابوهم نرفع معنوياتهم وهذا قدرنا ماتقدري تغيري شي مكتوب والله يعين ويسهل امورنا في غربتنا ويسترها معانا .