لا والله ما كنت اعرف الا الشاي والقهوة لكن الله يخلي لي ام زوجي والمنتديات والغالية كل مرة اتعلم شي لين الحمدلله صرت فنانة .

لا لكن تعلمت مع الايام
صرت ادخل المطبخ بنفس واتفنن
شغل تادية الواجب مو عندي حاليا
اما اتقن او م اطبخ ف نطلع او نطلب

انا احب الطبخ ونفسي حيل حلو وراعيه بهارات اتمتع وان ابهر اكلي واعتقد هو سر الطعم اللذيذ
اما الشعبيات والحلويات مااعرف
رغم عشششقي للحلويات الا اني تزوجت ومااعرف الا البسبوسه
وحاليا صرت اقلب بالنت واخذ طريقه حلويات واخبص ويطلع ياسلااااام
الشعبيات مره مااعرف
مره اشتهيت مرقوق وناقصه عندي الاغراض لا لحم ولادقيق بر
وزوجي قال مالي خلق اروح الماركت
طبعا انا مااعرف اسوي مرقوق ولابعمري سويته
قلبت بالنت ولقيت طريقته والاغراض مثل ماقلت ناقصه
والنفس مشتهيه قلت قومي ياحلوه سوي لنفسك لو شي قريب من المرقوق
سويت ايدام وعجنت بدقيق ابيض وسويته اقراص وفردته نفس المرقوق
وينقالي بسوي نفسي ماهره كل شوي افتح القدر واصفق قرص من العجين المفرود على الايدام
لمن استوى وياسلاااااااام طلع الطعم مكروووونه بعيد كل البعد عن المرقوق هههههههه
بس احمد ربي كل من ذاق طبخي اثنى عليه واولهم المحروس يقول بفتحلك مطعم
واحمد ربي واثني عليه واشكره لو لقيت طبخه بالنت جديده ومقاديرها عندي ومشتهيتها احاول اسويها وتضبط اذا المقادير كامله مو مثل المرقوق هههههه

الحمد لله أتزوج واعرف ا لطبخ والحلويات والفضل لأمي الله يحفظها

الحمدلله من قبل الزواج احب اطبخ ببيت اهلي
و الموالح اكثر شي ابدع فيها
الحلا لازم ادور من النت لو اشتهيت و احب الحلويات التقليدية
بسبوسه / كنافة / معمول مع اني ما جربت اسوي معمول
حلو الوحدة لما تعرف تطبخ لنفسها قبل كل شي
مو معقولة كل الوجبات مطاعم غير القصص و الصور اللي نشوفها
ع الاقل اضمن لي اكل نظيف