هل تستمر صداقتنا برغم الجفاء؟

وعليكم السلام و رحمة الله و بركاته

شوفي اختي انا من رأي انك تكلمينها والأفضل تقابلينها ان قدرتي تناقشين هالموضوع وياها بدون تجرح و فهميها انك تحبينها بس ما يصير تغار .. لانكم بنات و صديقات وخوات على كلامك يعني اذا انتي في وظيفه احسن منها المفروض تكون مستانسه لانكم واحد اذا على كلامك تحبينها و تخافين عليها و اصغر منك بسنه واجهيهها وافهمي قصدها ولا تخلين ابليس يوسوس عليكم ..

خليها فتره ارسلي لها مسج قولي لها انك راح تخلينها كم يوم تراجع نفسها ..وتشوف اهي غلطانه بأيش ..

انتي تعرفينها زين ..اوكي تتوقعين العلاقه ممكن تكون اكثر من صديقه وانتي افهمه قصدي يعني شلون علاقتها مع اهلها شلون صاير ادبها ..

قولي لها ترى كثرة الحن على شخص والهواش والزعل على أتفه الأسباب ترى القلب ما يتحمل القلب يعاف ..

اذا زعلت من دون سبب ارسلي لها مسج قولي لها انا احبك بس اسفه مااقدر اراضيك ولا اكلمك وانتي قاعده تزعلين على أتفه الأسباب ..بس أحبك

خليها تراجع نفسها و كلميها واقنعيها والله يوفقك حبيبتي ..

ويسهل دربك ويجمع بينكم في خير ..

اسفه على الاطاله والتقصير

ادعي لي ..

بصراحة اظن ان العلاقة بتتحول لما هو أكثر من الصداقة مثل ماذكرتي،وأكيد هالشي محد يرضاه، فبما انها مب طبيعية خلك رسمية وجافة معها لفترة عشان تحترم نفسها شوي وتحس انك مو من البنات الي يحبون هالحركات....اذا زعلت من شي انتي ماذكرتيه قولي(الحمدلله والشكر وش فيك انتي؟)كلمتين زي كذا بتفشلها صدقيني و ماتعيدها

غيره الصديقات منتشره بشكل كبير وهي السبب في تفارق الاصدقاء


والاحظ شيء في بعض الناس ان الصديقه اذا بينتي لها انك تحبينها وماتقدرين تستغنين عنها انغرت وتكبرت



انت كلميها وراضيها وتفاهمي معاها عن الطريقه الصحيحه لبقاء العلاقه باسلوب حلو ومحبب وبيني لها انك منزعجه من اسلوبها الغلط وبامكانك الاستغناء عنها اذا استمرت في هذا الشيء



الله يوفقكم ويجمعكم على الخير والسعاده

السلام عليكم

هاروكا,,,
اشــكرج علي الرد الرائع وطبقت اللي قلتيه وبأنتظار النتيجه والله يهديها :)

~Sweety
تفكيرج نفس تفكيري وعطيتينى تشجيع انى اتصرف بعقل.
شــكرا علي النصيحه اختى .

حبيبة أبوها
ردج كان اكبر من احلامي وتصوراتى شكــــــــــرا بصدق
الله يوفقج دايما تسلمين

*
*
اشكر كرمكم بالرد وما توقعت احد يرد
دمتم في حفظ المولي
ودامت ايامكم بسعاده

عزيزتي..العود المنثور..

الزعل يالغاليه وكثرته مايدل غالبا ً على التفكير الطفولي..بس هي مفرطة الأحساس حبتين..وخاصه أنه مثل ماقلتي أنها أصغر منك..فهي تعتقد أنك بتكوني دائما ً حنونه عليهــا..
ومو ضروري يالغاليه أنوا الغيرة تدل أنوا علاقتكم راح تتعدى حدود الصداقه وتصير شيء غلط ((الله لايقولهــا))..
عندي صديقه لي 6 سنين من عرفتها وغيرتهــا غير طبيعيه..واليوم تعالي شوفيهــا أنقلب حالها 180 درجة..
فالحل بسيط أعزميها عندك بالبيت..وكلميهــا كلام كبار بالعقل مو بالعاطفة والتعصب وقولي لها أنك تحبيها وودك صداقتكم بتستمر لأنه مابتقلين شخص بمثل طيبتها وأخلاقهــا..وأنوا غيرتهــا عليك والتصرفات اللي تسويهــا يمكن بيوم من الأيام تدمر اللي بينكم وهذا اللي أبد ماودك يصير بحياتك..
عزيزتي..للكلمة الطيبه تأثيرهــا..ولاتردي ياعمري الإساءة بالأسوء..
يكفي أنك إذا رسمتي الإبتسامه على شفتي أختك راح تآخذي أجر..
بيني لها غلطهــا بس بطريقه صح كعتاب..مو كخناق وحزم..
أحيانا ً الناس تغلط وماتدرين انه يأثر على الشخص الآخر سلبا ً..

من عاملك بالقبيح

فعامله بالمليح

ومن عاملك بالمليح

فعامله باحسن مما

عاملك به

ودمتي دائما ً بخير..
الله يصلح الحال..جربي اللي قلت لك عليــه وأبشري بالخير..