هل تسمى خيانه او خذلان ؟

من كم يوم شفت جوال زوجي
دخلت سناب لقيت واحد مسجله ابو "فلان"
ودخلت الستوري كله عباره عن حب وغرام
وواضح انها بنت رحت للمحادثه الا محذوفه بس شفت كاتب لها تعالي اي ممشى قريب من حينا
جيته وهو ماسك جواله وقلت هذي مين
وضحك وقال ليه تفتشين وبعدها حلف انها كبيره بالعمر
وكانت تبيني لو مسيار انا ماصدقت وجاب القران وحلف انها كبيره وانه يوم راح للمشى يبي يشوف وش عندها لانها ازعجته << على كلامه طبعاً
وحلف عالقران ان ماله سوابق وانه مالمسها ولا يبي منها شيء وانه بيداري خاطرها انها كبيره
قلت ليه مخليها بسنابك دام مالك نيه فيها قال هي قالت امانه سجلني باسم رجال وخلني عندك ماراح اراسلك الا اذا انت بترسلي ويقول مسكينه خفت اكسر بخاطرها
انا انفصمت مادري اسامح واطوف وبنفس الوقت حاقده عليه وكارهه وودي انه مايمر هالموقف بسلام
هو بلكها اللحين وعطاني سنابها قال تفاهمي معها بس عيا يقولي منهي ويقول انها من معارفنا وهي عيت تقبل اضافتي ولا قرت رسايلي