السلام عليكم ورحمة الله وبركاته ..... كيفكم ؟
أتمنى أن تكونوا في اتم صحة وعافية أنتم وبيبياتكم وجميع من تحبون .....
سؤالي هو هل تشعرين بالتوسيع الذي تقوم بعمله الممرضة لك أثناء الولادة ؟ وبأيش يكون بمقص ولا بمشرط ؟
ولادتي الأولى كانت في مستشفى اليمامة وكانت الممرضة أخلاقها سيئة جداً حتى كانت ترفع صوتها علي وتقول لي أنتي قرقر كثير لأني وقت الطلق كنت أقول يالله ياحي ياقيوم ارحمني ولما رفعت رجولي كانت تضرب على فخوذي .... بس أصعب شي علي وقت الولادة هو وقت التوسيع لأن الممرضة شقت لي المنطقة بمقص وكان ألم فظيع جدا ولا يوصف لدرجة أنني نسيت ألم الولادة وقت ماوسعت لي وكنت أتألم من الشق حتى لما جت الدكتورة تخيط سألتها ليش القص كذا قالت هي تتحرك وخيطت لي الدكتورة داخلي وخارجي ؟ مع أني كنت اتحرك من إحساسي بالألم وقت القص وبعد الولادة رحت للغرفة ولمارحت الحمام طحت وأغمى علي وما كان أحد معاي في الغرفة ومادريت إلا بنفسي قمت وماادري كم قعدت مغمى علي واتوقع انه من التوسيع وبعدها في فترة النفاس تعذبت كثييييييييير من التوسيع والخياطة وكنت أبكي وما أقدر أنام من الألم لازم احط شي دافي على الغرز عشان يخف الألم وبعض الأحيان امسح بمسحات طبيةعشان تتخدر المنطقة .........
واللحين أنا حامل وخايفة من الولادة وبالذات من التوسيع لأني لما اتذكر التوسيع أموت من الخوف فهل تحسوا بالشق لما تشق لكم الممرضة ؟ أو أن الممرضة الي شقت لي كانت قاصدة تعذبني ؟
اسأل الله الحي القيوم أن ولادتي تكون سهلة وميسرة ويسهل ربي علي وعلى كل الحوامل قولوا آمين
يلزم عليك تسجيل الدخول أولًا لكتابة تعليق.
لا يالغلا ما تحسين فيه لان وقت الطلق المنطقه تكون مخدره تقريبا والطلق اقوى من الشق لان هذي نفس تخرج من نفس لازم الم ...بس ترى كل هالكلام سمعته قبل ما اولد ...مو شرط ... الحمدلله اموري كانت تمام لاني ما اناقش واعصب على الممرضاات ولا اتكلم معاهم انقلش اكون عاديه يكشفوا اصيح لحد ما يخلصوا وخلاص .. لا احاجج ولا شي اسلم امري لله ...بس اللي تعاند وتصيح وتخاصم اذا دخلت في الجد وقت الولادة يبهذلوها مررره لان ما عندها احد لا ام ولا زوج ...انا شفت بعيني وحده جنبي جننتهم وكتبت تعهد انهم ما يكشفون عليها وهي المسؤوله ويوم قربت دخلت عندهم هي تصيح وهما يطالعون فيها يقولون انتي عمليه وفعلا جابوا الدكتور قال ترى جاي اسوي لك عمليه على كلامهم بس بحاول معاك وهو اللي ولدها لحااله والباقياات عندي .. وفيه وحدة ثانيه ثاني يوم جت تولد تتكلم انقلش معاهم والله مو طايقينها بالمررره وهي تبربر معاهم وشايفه نفسها ..طيب احنا نتكلم عربي ويفهمونا يعني ما يحتاااج لغه وبربره زياده وفعلا كانت ثرثاره ...استغفر الله ...بس اقول لك لان الممرضات ما يحبون الثرثرة والرجه وانك تتعبينهم استحملي قد ما تقدرين وخلي كلامك حلو معاهم ...والله يقومك بالسلامة يارب
الله يتمم عليك ويسهلها والولاده كلها الام وجعلها تكفير ذنوب ياربالله يتمم عليك ويسهلها والولاده كلها الام وجعلها تكفير ذنوب يارب
آمين جزاك الله خير دمتي في حفظ الله
الصفحة الأخيرة
والولاده كلها الام وجعلها تكفير ذنوب يارب