هل تشعرين بالرضاوانتي ترتدين النقاب ؟دعوه للنقاش.

SIZE="5"]السلام عليكم ورحمة الله وبركاته
اخواتي العزيزات الموضوع واضح من العنون والقصه ومافيها هل شعرتي يوم بالرضاعن نفسك وانت تلبسين النقاب
كثير منا الي يلبسون النقاب وهو اشبه بالعاده تربى عليها البنت وتألفها نفسها ولا تجد حرج منه لان العائله من الجده والام يرتدونه ولم تفكر واحده بان فيه ذنب .هل ترون النقاب هذه الايام كيف توسع وظهرت العيون والمحاجر وجزء من الوجه معه والرجل الاجنبي ينظر بكل جرأه في عين المراه ومعلوم ان النظره سهم من سهام ابليس لكن غير كذا هل علمتي اختي انك تجمعين اكبر عدد ممكن من الشهود عليك ليشهدوا امام الله عليك وان كل من راى عيونك وخدك بدون وجه حق انه شاهد عليك يوم القيامه .لاتقول وحده ان النقاب كان في عصر الرسول ويزين لها الشيطان هذا الشي لتستسهله هل علمتي ان النقاب في عهد الرسول صلى الله عليه وسلم كان فتحه واحده بحجم البؤبؤ لوعورة الطريق ففالسابق كما تعلمون لم تكون هناك الارصفه والشوارع الممهده الي تقدر كل وحده تمشي فيها بكل سهوله وعلى كذه كان النقاب على قد الحاجه وبعين وحده وكان الجلباب والخمور يغمر الجسم ويسحب ذراع حتى لاتنكشف الساق اما اليوم فالعبايه اشبه بثوب زينه شديد الضيف ليبين جميع المفاتن ولمن تظهر هذه الفتن للاسف للعماله والحثاله الي مايستاهلون انهم يتمتعون بمنظر حسمك
هل تحبين اهل المعاصي والفجور هل تريدين تقديم جسدك ليتمتعوا بمشاهدته ويتلذذو به هل يستاهلون ذلك منك يابنت الاسلام .هل تستطيعين مواجهة الله ونتي هذا حجابك سبحان الله
اللي بتقول انا البسه فقط لاني ماشوف طيب ليش ماتلبسين النقاب اللي فيه فتحتين دائريتين قد البؤبؤ وتلبسين من فوقه غطا شفاف لتستطيعين الرؤيه بتقولين شكله وع او مو حلوا اجل كلامي صحيح تتزينين للشهود
ليش ماتلبسين عبايه واسعه وفوق الراس لان هذا هدفها الي شرعت من اجله وليست للزينه بتقولين كل جماعتنا يلبسون كذا واذا شافوني وانا لابسه هذي العبايه بيقولون شكلي مو حلوا سبحان الله الله سبحانه وتعالى يقول وان تتبعوا من في الارض يضلوك عن الطريق ,يعني ايه واضحه جدا مايحتاجلها تفسير وفيه سؤال بعد هل فيه واحد من قرايبك راح يدخلون معك قبرك ويتحملوا جزء من العذاب عنك مستحيل يعني ترضينهم بسخط الله وش راح يصير لك
من ارضا الناس بسخط الله سخط الله عليه وايضا اسخط الناس عليه
ومن ارضى الله بسخط الناس رضي الله عنه وارضى الناس سبحان الله لان الله بيده كل شي وهو الي يضع القبول للانسان فالارض
واذاوحده قالت عشان زوجي يشوفي حلوه زي المتبرجات اللي فالشارع فانا بقول لك سر خطير والله ان كل الرجال سواء الملتزم او المنحط انهم يقدرون المراه المحثشمه في انفسهم ويعلون من قدرها لانهم يعلمون انها رمز للطهر والعفاف والنزاهه وكل وحده تسال اخوها او قريبها بصدق وتقوله قول الصراحه انت في اي مكان لما تشوف وحده محتشمه ولابسه عباية راس وجونتي وشراب وماشيه في طريقها بكل ادب وثقه احسن وتحترمها والا وحده لابسه عباية كتف مخصره ونقاب او لثام وميك اب قول الصدق اكيد راح يكون جوابه واضح لان الله راضي عنها وغصب عن كل الناس انهم يرضون
اخواتي انا ما كتبت هذا الموضوع عبث لاوالله ولكن للتذكير ويمكن فيه ناس غايبه عندهم بعض الحقايق وبعد لانا خير امة اخرجت للناس نامر بالمعروف وننهى عن المنكر والواحد وده يقابل الله وهو مبري ذمته لان كل الحريم يوم يشوفون الناس ساكتين عن المنكريحسبون انهم صح وهم مايدرون انهم على غلط كبير ولو كل وحده حاولت تغير من نفسها وتفضل رضى الله على شهواتها والله ليبدلها خير منها لان الله مايضيع عنده شي ولو كل وحده حاولت تناصح قرايبها او الي يعزون عليها وتعاونو اعلى البر والتقوى لحضيت برضى الله وارجوا ان ما وحده توقف مع الشر وتحاول تبرر المسببات لان كل وحده راح تصدق كلامها راح تكون عاله عليها من ناحيه الذنب وراح تجمع ذنوب الى ذنوبها والعياذ بالله اسفه على الاطاله ولكن احبكم واحببت ان اناصحكم لعل الله يفتح على قلوبكم ويهديكم الى سواء السبيل .واللي بتنقل موضوعي لاي منتدى الله يجزاها خير لعل الله يهدي وحده تائهه ويكون لي ولك الاجر.