هل تصرفات الرجل نابعه من التعامل ؟؟

كيفكم بنات ؟؟:26:

الصدق توني افكر في سالفه سمعت عنها وحسيت اننا يالبشر كتله تعامل اذا احسنتي الظن فيه حاول يكون عند حسن ظنك (طبعا لكل قاعده استثناء )

يعني اعرف واحد من قريبي يعني يقارب لي في العمر وكان انسان ماشاء الله يعني مايعرف الخرابيط حقت الشباب هاللحين يعني من البيت للمسجد المهم تزوج صغير

*** ملاحظه انا ما القي الاسباب على الزوجه او الاغلاط ... لا بس ودي اقول انها ممكن تكون سبب منها وهي ما تدري ..

وكان متزوج عن قناعه ومره حاب زوجته وعطاها اللي تبغاه بيت مستقل وصدر رحب لانه معروف بسماحته جدا وهدوءه

اللي صار انها كانت جدا عصبيه وما تقدر تتحكم بعصبيتها ابدا وغيور يعني انت خطبت فلانه واكيد للحين تحبها !! لا تقولون اسم بنت اخوه كثير لانه يشبه اسم خطيبته الاولى اللي هو تركها عن قناعه !!!
مهمله لبيتها يعني ما تقدر تطبخ ولا حاولت جاب شغاله وخلى امه تعلمها ...
المهم مشى اموره معها بس الحرمه انا اشوفها هي جميله بس مهمله يعني اكثر شي تسويه كحل !! يعني حتى بعد الانجاب ما تصبغ ما تلبس

وهاللحين بينهم مشاكل وهي طالبه الطلاق اللي سمعته انها مسويه عليه زي الرقابه يعني اذا حطها عند احد وطلع تجلس كل 5 دقايق تتصل وما عندها اسلوب يعني وش تسوي ؟ وتناقشه عند اي احد
واذا جلس على النت ما تجيب الشاي او القهوه وتسولف والا تطلع وتدخل بتعليق (ما احسسه اني اراقبه :30: )

لا توقف وراى الكرسي وتحط يدها على ظهرها وهي معصبه اطلع !!! وش تبي فيه !!


المهم الرجال اللي فهمت انه شال النت وحطه في غرفه يقول غثتني ما اقدر اقراء ومره تنرفزني

هو صار عصبي ومتوتر بالرغم انه كان ابرد خلق الله

عاد سوت مشاكل علشان النت وهو خلاص خذها عناد والله اعلم بالرجال اذا صار عنيد !!!!:eek:

صار بس يسوي اي شي هي ما تبغاه ويعناد

وهي بصراحه ما عندها اسلوب يعني احسه انسان ممكن الواحد يتعامل معه (مو صعب التعامل ) بس يبغى له اسلوب

النكته ان اهله ساكتين يقولون اننا كنا ننصحها بكل اللي نقدر عليه لدرجة نجيب لها اسماء المشاغل بس باسلوب يعني كل وحده تقول انا صبغت عند كذا وانا صبغت عند كذا وهي تناقشهم بس ما تحاول تسوي شي :(
ويقولون فلانه شفت صبغه رايقه وشكلها تناسبك !! بس هي تطنش وتقول انا ما احب اصبغ !!
حتى شعرها دايم على فوق حتى في الزيارات

ويهاوشون ولدهم دايم وهي دايم تشكي لهم وهم ينصحونها يعني غيري اسلوبك (يعني يساعدونها عليه ويقولون عن الطريقه اللي بتنفع معه ) واهم شي سعادته عندهم

بس هي ما تبغى تتغير تقول خلوه هو اللي يتغير !!


المشكله انهم متزوجين من سنوات كثيره وعندهم اطفال والرجال خلاص ركبه العناد
والحرمه خلاص ما تقدر تغير اسلوبه !! وياعمري على اطفالهم دايم يشكون ان امهم عصبيه وتصارخ !! واكبر من اعمارهم تحسينهم مره عاقلين وغريبين ومو اطفال زي غيرهم !!

بنات هو غالي ( خخخخخخخخخخخ صديق الطفوله و احسه مثل اخوي والله وودي اساعدهم )

يعني لا تقولون تدخلي التدخل لايمكن لانها غيور جدا واعرف اخواته اعرف اسلوبهم ومتاكده انهم حاولوا بافضل الاساليب معها

والرجال خلاص يقولون بس ساكت واذا احد كلمه قام وحتى الاكل معاد ياكل وكثر نومه :09:


وش نسوي علشان نمنع المأساة ؟؟