هل تضرب الباب قبل الدخول ؟
المشروع الاستئذان
على الشخص الموجود في الغرفة
ام
اخت
زوجة
بنت
ولد
اخ
الخ
واللي ماعنده علم يقرأ اية الاستئذان ويشوف تفسيرها

اختي طيبه عادي ليش تعملي احساب في لاكل والطبخ هذا بيت ابوها عادي انا عمري ما حسستها بئنها غريبه عنا وانا كنت اعيش معها بيت جدها قبل لا انتقل وهيه كانت تجلس وتنام معي بغرفتي بس من انتقلت تغيرت مع اني والله اني ما اتغير عليها وعاملها معامله طيبه وبعد لما تجينا اخدمها ولو تجلس معانا فترات طويله ما تغير عليها ولا احسسها بان البيت بيتي ومرات اتعمد اطلب منها اشياء بسيطه والله اطنشني وما قولها شي.. بس لو كانت بنتي وعمرها كبير تدخل الغرفه بدون استئذان احسه عيب حتى ولو انا امها يمكن ما مستعده يمكن ابدل ملابسي او عندي شغله وماودي احد يشوفها وبنتي كذالك اذا بغيتها استئدن قبل ما ادرعم عليها بحكم الخصوصيه ..وهيه بعد بنت زوجي غرفتها دايما مقفوله ونلتمس لها العذر واقول اكبيره خلاص لها حريتها.

هـي مفروض تستاذن بس مو انتي تعلميهـا لانهـا بتتحسس 
وبتاخذ بخاطرهـا ابوهـا يعلمهـا احسن 
بس حسيت قلبك قاسي حتى تشوفي لو تاكل اولا 
حلوه ،البيت بيت ابونا وجو الغرب يحكمونا 

الحمد لله الله لا يقسي قلبي على مخلوق انا ما شوف على اكلها ولا شي وانا مب غريبه والبيت مثل ما هو بيت ابوها بيتي انا ام اخوانها وزوجة ابوها في مقام امها وانا لما طرحت الموضوع من باب اشوف آراكن في حدود غرفة النوم والاستئذان والبنت لما ابوها ايوديها مشاويرها اتعمد ما روح معاهم عشان تاخذ راحتها في الكلام معه بس ابوها ايقول ما تتكلم معي وكل الطريق عينها على جوالها. ولما اكون انا معهم شوفي الضحك والسوالف وعلى فكره انا اسكت واتركلها المجال وما اقاطعها وهيه تتكلم عن خالتها عند ابوها وتخبره باخبارهم وانا ما اعلق ابوها يتضايق ويقطع عليها. تمنيت ما اكون زوجة اب بس ارادة الله فوق كل شي بس عشان مايجي يوم واحد ايقولي قاسيه على فكره لو ترجع فيني السنين وخيروني ما اخترت زوجي وهو بهذه الضروف عشان ما اجرح ولا احزن احد.. 

اختي انتي ماغلطتي انا عندي بنتي مازالت طفلة عمرها 11 ومع هذا اتضايق من دخولها الغرفه على أبوها لأنه يمكن تشوفه نايم ومتكشف أو طالع من الحمام أو أو

يفترض تطق الباب وتستأذن وهذا بالقرأن مو كلامي

بعدين غرفه نومك شي خاص فيك مو كل واحد يدرعم عادي

انتي خلي هذا نظامك حتى مع عيالك عشان البنت ماتحس انك تفرقين بينهم