هل تصرفي مع اقاربي صحيح؟؟!!

حبيباتي اتمنى تكونوا بخير و عافية
الموضوع ومافيه اني عايشة في نفس المدينة يلي ساكنين فيها أهلي و اقاربي من ابوي, يعني عماتي و بناتهم و عيالهم, بين بيتي و بيوتهم مسافة 10 دقايق بالسيارة.. و عندي صديقات و معارف كثير اشوفهم دوم في العراس و الزواجات والمناسبات,, لكن للاسف بعد ما كل وحدة تروح بيتها محد يسأل أبدااااااا.. انا مو متضايقة من الصديقات و المعارف لان ما اقدر افرض نفسي عليهم, بس للاسف خوات ابوي ما يسألون ابداااااا, يعني عادي ممكن الوحدة منهم تحمل و تولد و تتزوج, و احنا لا حس و لا خبر, محد يعرف عن الثاني شي,, ياما ادق عليهم و احاول اتواصل معهم, بس في الاخير ما ألقى منهم اي اتصال,, صراحة رغم اني صغيرة في العمر لكن دوم اتصل بس هم ابدددد... وسائل الاتصالات هالايام سهلة, سواء كان تلفون او مسج او واتساب... بس طباعهم فعلا حسستني كأنهم اغراب مو اقارب...
المهم يلي سويته اني قلت بتم فترة كم شهر ما اتواصل معهم و اشوف من منهم بتتواصل معي, انا غندي 4 عمات و كل وحدة فيهم عندها تقريبا بنتين على قدي,, انتظرت ست شهور بس ولا وحدة فكرت تتطمن.. لا و بنتي عمرها قريب سنتين و اخر مرة شافوها كانت عمرها 3 شهور, و طبعا مو كلهم شافوها او يدرون عنها, يعني لو شافوا في الشارع ما بيعرفون انها بنتي او حتى تصير لهم
المهم خلاصة الموضوع, بعد هالست شهور مسحت كلللللل ارقامهم من الجوال و سويت لهم بلوك في الواتس و ألغيتهم من الفيسبوك... هل تصرفي صحيح بنظركم؟؟ صراحة ما صارت حالة بس والله طفروني