هل تطلقت ظلم و ربي نصرك .. تعالوا بردوا كبودنا المنفطرة

السلام عليكم




هذي قصة منقولة شبيهة بقصتي




انا انظلمت ووقعت ضحية زوج وزوجته .. خطبني واحد متزوج وكان مشهور بخلقه ودينه
وزوجته كذلك واشترطت عليه ان يكون الزواج اشهار وبرضا زوجته ... على طول وافق لانه زوجته اشترطت عليه
شروط تخصها ..وتزوجت وكل الناس تدري يعني ماتزوجته سر ولا احد تدخل من طرف زوجته
بعد فترة سمعت اهلها يدعون عليي ماأحمل ..وحملت لكن اجهضت بالخامس والله انه تقطع قلبي قطعه قطعه
وبعدها بكم شهر تغير زوجي ..صارت زوجته الاولى تخربه عليي بعد ماشرطت عليه موافقة زواجه بشرط يكتب لها
البيت وبعدها لعبت لعبتها وظلت تكرهه فيني وتقوله اشياء الله اعلم بس حيل تغير عليي وعجزت افهم بس يضل يمدح في الاولى قدامي ويقهرني ويتهرب مني بعدها قلت له : اللي تسونه فيني هذا ظلم والله مايرضى ..
والله تفاجئت انه قال خلاص مابيك وطلقني بسرعة بدون تفاهم حتى اخوي راح يتفاهم معه ..قال لاخوي مابيها
غشيتوني فيها كله مريضه ...وانا والله العظيم مافيني شي ..المهم طلقني وشمت الناس فيني وانا اللي كنت له ام واخت وحبيبة وزوجة وكل شئ حتى الناس تحسده عليي وعلى طيبتي ..وماعمري جرحته ولا تعرضت لزوجته بشئ
لكن هذا حظ الطيبين بالدنيا !!
وربي اني انقهرت ودعيت عليهم من كل قلبي ..وكل ماشوف الناس ترمي كلام يجرح اتحاسب عليه وعلى زوجته
...اتمنى ربي يعوضني غيره ..تعبت نفسيا من التفكير وتعبت من كلام الناس حتى في بيت اهلي مو مرتاحة
حسبي الله عليه دمر حياتي ,,, لكن من انفصلت عنه وماعرف شي عن اخباره ..
ادعو لي بنات ربي يفرجها عليي وربي حالتي مايعلم بها الا رب العالمين .




تعليقي على القصة :
سبحان الله فعلا بعض الظلمة في اعتقادهم ان تمام الطاعات يبي يدفع عنهم انتقام الله منهم للمظلومين و هذا خطا
لان الله سبحانه و تعالى ان غفر يبي يغفر ما بينه و بين العباد
اما ما بين العباد و العباد لن يغفر سوى بالسماح و رد المظالم
و حسبنا الله و نعم الوكيل في كل ظالم و ظالمة
حسبنا الله و نعم الوكيل في زوجي و زوجته اللي تحرضه على طلاقي و اذيتي و حسبنا الله و نعم الوكيل في امه المخادعة
اسال الله الكريم ان ينصرني عليهم النصر العاجل المؤزر
نبي قصص اخرى و نبي ندعي لبعض
اسال الله ان لا يذيق مسلم مرارة الظلم