هل تعتبر مطلقة؟؟؟ ولا للحين على ذمته؟؟؟

السلام عليكم حوائيات


هذه مشكلة صديقة عزيزة

وارجو التفاعل


زارتني امس صديقة ما اشوفها الا بين فترة وفترة

امس تقول ان زوجها من تقريبا 4 شهور رمى عليها يمين الطلاق مرة وحده يعني قالها (انتي طالق) بس اهي ماطلعت من البيت وتمت في البيت لين ما تستلم ورقتها وساعتها على قولتها ربك يستر

المهم بعدها بيومين مرض زوجها واخذوه على المستشفى وطبعا راحت اهي وياه

وهناك تصالحو وقال لها انو يبي يرجعها وقال لها بالحرف(راجعتج) بس كانوا بروحهم وماكان وياهم أحد يعني بينهم اهما الاثنين فقط


ومرت الايام ومرت الحين 3 حيضات على السالفة واسمعت اهيا بالصدفة انو الرجل اذا طلق زوجته لازم يراجعها قدام شهود من اهلها او اهله (شاهدين)

هني اهيا جنت تقول اهو راجعها بس بينه وبينها ماجاب شهود ومعروف انه اذا تمت ثلاث حيضات بعد الطلاق تعتبر مطلقة ولا رجعة في الطلاق

اعذروني يا بنات كلامي موب مرتب بس اتمنى تكونو فهمتو الوضع

باختصار اهو طلقها وراجعها بينه وبينها بس وموب قدام شهود ومرت 3 حيضات على الطلقة

هل هذا يعني انها للحين مطلقة منه ولازم يرجعها بعقد جديد؟؟؟؟؟



ارجوكم سالوا لنا اذا تعرفون احد احنا ما نعرف احد :44:وقولو آراءكم بالموضوع




تعديل: للعلم انا ما استفتيكم يا بنات أعرف ان أهل العلم أدرى بس احنا ما نعرف شيوخ هني بالبحرين وعطتنا وحده رقم شيخ وطلع شيعي عشان جذي حطيت الموضوع هني:44: