هل تعتقدون بأن هذا المشروع الكبير سينجح ؟؟ للسعوديين اذاتكرمتوا افيدوناجزاكم الله خير

اخواني واخواتي اعضاء منتديات عالم حواء الكرام
السلام عليكم ورحمة الله وبركاته


فكرة المشروع قدمها لي احد الزملاء
بصراحه هالفكره جديده من نوعها وبكون محتكر لهالشغله
الي هي يكون محل كبير نسبيا في احد الاحياء والشوارع الفخمه
والسلعه الموجوده هي منقيات الهواء
مو مثل الموجود عندنا
لا فيه اختراع جديد شفته وجربته مره مره ممتاز
حتى يعني لو فيه احد يدخن قريب منك هذا على طول يصفي الجو ومايخليك تتأثر بالدخان يشيله ويصفيه على طول
وصغير حجمه مره يعني على افعاله
تقريبا حجمه تقدرون تقولون بحجم شاشه 15 بوصه او اصغر
وفيه منه بحجم الكف ويوضع في السياره لتلطيف جو السياره او في الجيب للتنقل
ويجي منه اشكال وانواع والوان وفيه اشكال حلوه وفيه عاديه
طبعا تشغيله وتغيير الاعدادات عن طريقة ريموت خاص فيه
وطبعا انا الآن اصلح دراسه للموضوع هل بينجح واتوكل على الله او اتوقف عن هالفكره
وجيت استشيركم
لو حصل وفتحت المحل بمشيئة الله راح يكون فيه تجربه للجهاز
يعني لما يجيني الزبون ويقولي بشري جهاز وهو مايعرف كيف يعمل ولا يعرف مدى فاعليته
ومو واثق منه بقوله خله عندك لمدة اسبوع طبعا بعد دفع المبلغ
واذا مااعجبك او ماصار مثل مانت تبي رجعه لي وبرد لك المبلغ كامل
وانا متأكد انه ماراح يرد الجهاز لان فاعليته مره مره ممتازه
ينقي ويصفي الجو تصفيه غير معقوله من اي شوائب
طبعا بالبدايه هو يصلح للمستشفيات
بس انا جيت استشيركم انتم كأفراد وكمجتمع طبعا انا في السعوديه وبالتحديد بالرياض
بدايته بيكون في الرياض وان نجح بتتوزع فروعه
حبيت استشيركم من واقع خبرتكم بالاعمال
هل تتوقعون ان هالعمل راح ينجح
او ماراح يشتري احد هالاغراض
وطبعا المحل ماراح يكون بس هالشغله لا راح يحتوي اي شيء صحي
مثل فيتامينات وبعض الادويه اللي تهتم بالصحه يعني للراحه والصحه مثل هالامور
هل تتوقعون يااخوان ويااخوات ان هالمشروع راح ينجح او لا ؟؟
طبعا الشركه امريكيه وراح تصدر البضاعه من لبنان في بداية الامر وبعد ذلك من امريكا مباشرة
اتمنى ان تفيدوني وجزاكم الله الف خير يالغالين
اخوكم ومحبكم ][