هل تعجبك الصورة ..تفضلي الطريقة

هلا بنات هذا حلى فخم مرة ..لو عندك عزيمة صلحيه وانت مغمضة لان شكله حلو مرة

اما طعمه فالي يحب الدريم ويب راح يعجبه:21: ...أنا يعجبني شكله لكن طعمه ما يعجبني لاني ما أحب الدريم ويب <<<<<<<كني طلعت عن الموضوع:23:

المقادير:

4 حبات جبن كيري

2 علبة قشطة (يمكن تحتاجين أكثر )

3 دريم ويب (يمكن تحتاجين أكثر )

عصير مانجوا كاسين

نشاء ملعقتان

كيك سويسرول صغير جيبي العلبة الطويلة جيبي منها 2 تقريبا تراي نسيت كم أستهلكت

حبة مانجوا

الطريقة :

تخلطين الدريم ويب حبتين مع قشطة خلط جيداً ثم

في الخلاط ضعي نصف كاس عصير مانجوا مع + أربع حبات جبن كيري بعد خلطها

نخلطها مع الخلطه السابقة اخلطيها حتى تنتفش او تصبح غليظة .

احضري صينيه ذات قاع متحرك بحيث يمكنك فك الجوانب عنها

قطعي الكيك ألى شرائح والافضل ان الشرائح تكون متوسطة السمك حتى ترفع الكيكة ثم صفي الشرائح في القاع

وبعدين هاتي الخلطة واسكبيها ثم صفي كيك ثاني بشرائح رقيقة بس مو رقيقة مرة ثم

ثم
خلطة ثانية دريم ويب وقشطة وضعيها فوق السوسرول لكن مو كلها بس شوي لتغطية السطح واتركي الباقي للجوانب

خليها تبرد في الثلاجة..لما تصلحين الخلطة النهائية وهي:

ضعي كاس مانجوا مع ملعقتان نشاء على النارحتى يغلظ ويثقل شيليه من النار وحركيه شوي عشان يبرد لما تسكبين المزيج على الكيكة الحرارة ماتخرب الطبقة

ثم صبيه على الكيكة

ثم دخليها في الثلاجة
لما تبرد وتحسين انها تماسكت فكي الصينية وادهني الجوانب بباقي الخلطة وضعي شرائح الوز بأطراف أصابعك هذي شوي صعبة

بيعني خذي مجموعة في أصابعك ولصقيها وهكذا حتى النهاية

قبل التقديم هاتي حبة مانجوا واقطعيها بالطول من الوسط ثم تصبح عندك شريحة قومي بالسكين بعمل شبكة عليها يعني خطوط من أول شيء ألى أخر شيء ثم خطوط عكسية


فيه ملاحظات وهو اني أعمل الكيكة دايم قبل بيوم واليوم الثاني أصلح الجوانب

ترى الطريقة سهله لكن أنا مطولة بشرح عشان تفهمون ..كاتبتها عندي يمكن خمسة سطور بس

شكلها فخم جدا كأنها جاهزه ..