مشاعل الرياض الله يجزاك خير يا عمري و يثيبك .....:26:

موضوعكم مهم ويلامس شيء في نفسي قصتي ..أني يعني موجميله لكن عادية لكن باللبس أحب الزين ومو أي شيء ألبسه ومع هذا ما أسلم منهم ومن السخرية و تجديع الكلام... لا بعد عيني عينك يعني ما يشفون الا عيوبي و يتكلمون فيها و في شكلي ..و الله شئ يقهر صراحة انا دايم اسكت و ما عمري رديت على احد او سخرت من احد او حتى مدحت نفسي كله اخاف اني اجرح أحد
ومع ذلك مايحترمون أنفسهم
المشكلة أني إذا شفت أحد يناظرني أو يتكلم علي أحتاس وأبدأ أناظر نفسي وأتلفت يمين ويسار ودقات القلب تسرع وكأن ماء حار مكبوب علي وأروح أسأل أمي في شيء بشكلي ..تقولي لا ....آآآآه الثقة صارت صفر معدومة عندي والله أن لبسي أحسن منهم مو مدح فيني لكن هذا الواقع ولا قد مرة علقت عليهم ..والله صرت الحين أفكر ألف مرة ياللي ألبسه قبل لا أروح عندهم ..ألبس وأغير 4-6 مرات في كل طلعه ..يعني أنا ما أحب ألبس ضيق ولا قصير يعني لبسي ساتر مو مدح بس هذي الصراحة ومو مفتكة منهم ياربي كل مافكرت فيهم أعصب ,بس انا ما اقدر اتجنبهم او اتركهم لأنهم قرابة و محسوبة علي اشوفهم باستمرار !!
ولا تقولون لي اسامحهم لأن تصرفاتهم هذي تقهر اللي مايقهر, لا ما راح اسامحهم انا قلبي مولع منهم الضغط مليوووون واقعد أصيح طول اليوم بسببهم ..وكل ماتذكرتهم كرهت أروح عندهم بس شسوي غصب عني أروح نفسي أكون واثقة من نفسي لكن ماقدرت حاولت لكنهم يحطمون جبال والله أني ما أبالغ والله على ما أفول شيهد !!!:26:

عن نفسي ورغم أعامل الناس بطيب ومعاملة زينة احيانا احصل على انتقاد .... أحاول اتقبل ...
وانا اقول إني مرات اشوف وحده من زميلاتي تسخر من شي وهذا اسلوبها .. صدقت تكدرت ...
بعدين شفت هالشي مايفيد ... قلت الله يسامحها .... والله يشهد بكل شي

اهم شيء لا تسكتين اذا كان المقصود انها تكسرك وتفشلك وتنقص ثقتك بنفسك عشان ماتعودين تلبسين ويطلعون هم احسن منك

من اول تعليق لا تطوفينه هنيه انتي تحطين لك حد ولازم يكون عنك خبرة بالناس والحياة يعني لو بتداومين في الكلية اول سنة او في الوظيفة والناس اول مرة تشوفينهم ابدي افرشي ريشك يعني قولي لك حكاية لوكذب عن وحدة حاولت تستهزئ فيك وانتي مسخرتيها وفضحتيها وخليتها ما تسوى عشان الناس تعمل لك حساب
وبعدين اللي تحسينها راح تستهزئ وهذي انا مجربتها تغدي فيها قبل لا تعشى فيك <<<<<<<<< حشى حرب بس التعامل مع الحريم هو الحرب بعينه وعلمه

انا اول ماتوظفت كان في وحدة كريهة ومشت عليهم بالدور مرة وحدة قالت لها انا ضعفانه صح ردت عليها بكل وقاحة لو تضعفين مية كيلو مايفيد لانك جيكرة ( قبيحة )

فانا شسويت حسيت انها راح ينتقل الدور لي فدخلت مرة مع اني ما احب اغلط ودائما اخاف من ربي بس شسوي قلت لها كم عمرك قالت ليش قلت شكلك يعطي 35 سنة جان يصفق وجهها
هي عمرها 30 بس شكلها طفولي ويعطي 23 سنة لكن انا حبيت اكسر خشمها ومن عقبها تتحاشاني طبعا بعد مواقف معاها لكن هذي هي النتيجة وهي للحين تمسخر اللي معانا

الحريم يدخلونل جهنم والسبة القال والقيل بس انصح بعد رد السيئة بالحسنة يعني بعد ماتوقفينهم عند حدهم عامليهم زين عشان يعرفون انك ماترضين بالغلط وبنفس الوقت طيبة

اف تعبيت
:24: :24: