يارب اشفي مرضانا و مرضاكم و مرضى المسلمين

تدرين اختي وش سبب انتكاسة مريض الفصام هي المعاملة تقول لاتضغطون عليه في شي لو يشيل قرطاس ما تطلبونه

تقول لا يتعرض لسماع اصوات عالية او اوامر او يسمع مشاكل عائلية لأن مريض الفصام من اكثر الناس حساسية و اكثر عرضة للانتكاسة و يبدأ من الصفر ما كإنه تعالج

لذلك تقول المعاملة نصف العلاج لان الادوية ما تسوي شي بدون معاملة على ريش النعام

قالت و لا تلومونه على اي شي رافض يسويه

تقول و لا تعرضونه للفجعات و الخوف لان سبب المرض في الاساس فجعات متتالية فصايرة اعصابه أهش من القطن

تقول حتى لا تطلبون منه الخروج اذا رفض خلوه في حاله لانكم بتزيدون حالته سوء

امين يارب العالمين

ماادري والله يا قلبي. انا ماني اخصائية نفسية.
بس اشوف كل شي يزيد عن حده ينقلب ضده. بالعكس كل ما تعاملونه على انه شخص طبيعي راح يتصرف طبيعي
بس لو عاملتوه على انه مريض راح يقتنع تماما انه مريض ولا بيتحسن

بالعكس حسسوه انه رجال ويعتمد عليه. كلموه طبيعي مرة. صحيح الافضل ما ينفجع او يتضايق وقت نومه وراحته. بس في نفس الوقت ما ينترك على كيفه بالعكس احيانا بعض الامور لا بد لها ضغط. يعني مواعيده في المستشفى وعلاجاته مثلا لو رفض لازم ضغط لأن لو انترك على كيفه بيصير صعب صعب جدا يقتنع يسوي شي

لا تنسي المريض ما يعرف مصلحته يحتاج واحد واعي يكون مسئول عنه. طبعا بطريقه ما تحسسه بالنقص.

احيانا علاج الهلع يكون بمواجهة الموقف بدل الهروب منه. فانتو شجعوه مو تجبرونه


الله يعيننا جميع يااختي

مستشفى النفسي عندكم تعاملهم مؤلم مع المرضى
المريض النفسي بالذاااات بحاجه للاهتمااام
الله يعينكم والله

بالنسبه للادويه اخوي يستخدم عدة ادويه
ومن ضمنهم ريسبردال وسيبرالكس
وفي بعد ابرة كل فترة ياخذها
اسفه مو حافظه ادويته كلهم بس هذا اللي اتذكرة

واخوي مع العلاج تحسنت حالته النفسيه ولكنه انطوائي حيييييل
وما قام يطلع من البيت ابد الا نادرا
ولا اصدقاء ولا عمل وطبعاً ترك دراسته

انا سمعت عندكم بالسعوديه في ناس معالجين شعبين يعالجون هالمرض
مره قريت هني عن شايب بحايل يعالج هالمرض
واتمنى يكون هالكلام صحيح وبشارة خير لنا
لان الادويه النفسيه لازم المريض ما يتركها لان للحين مافي علاج نهائي
يستأصل المرض ..
ولكن هم نحمد ربنا ان في علاج يخفف على المريض كثير
والحمدلله رب العالمين

اختي الدكتورة قالت كل شي تعاملين فيه الناس العاديين ما ينطبق على الفصاميين تقول الضغط عليه يجيب له انتكاسة

لكن العادي الضغط عليه يجيب نتيجة

انا ملاحظة كل ما ضغطنا عليه لو على شي تافه زاد القلق و الخوف عنده

و الله لدرجة يقعد ايام طويلة خايف و حالته منتكسة لين نزود له الجرعة

يقولون المواقع الاجنبية تفيد اكثر في شأن الفصامي و ادويته و طريقة التعامل معه


اسأل الله العظيم رب العرش العظيم ان يشفيهم من عنده يا كريم

لا اله الا الله