كلي حكمة
•
يارب ارحمهم وارزقهم والله بكت من كثر ما اشوف ناسي وخوالي في الصومال بها الحاجة بس اللي يبكي اكثر انو اللي يسمون نفسهم مجاهدين قاعدين يتقاتلون فوقهم وزايدين عليهم مصايبهم تصدقون اني لما رحت الصومال مع امي شفت شي غريب مرة وكانت ذيك السنه برضوا سنه جفاف شديد وها الموقف ما راح انساه ما حييت انو خالي سوا عزيمة لنا نحن و امي وكان مسوي اكل كثيييير مرة ولما خلصنا اكل كان في لسه اكل كثير محد اكلها حسبت انو بينرمي كالعادة هني عندنا في الامارات بس استغربت لما خالي فتح باب البيت و خلا ابنه الصغير يوقف عند الباب ما صدقت لما لقت افواج من الناس تدخل وتاكل الاكل ولا بعد اولاد خالي كان يضيفوهم فسالت مرت خالي شو هذا قالت المحتاجين واايد يا بنتي ذيك اللحظه انفجعت صراحة ...
وعل فكرة المجتمع الصومالي مجتمع رعوي يعني يعتمد في حياته عل ها الانعام فلو ماتت ما بيقدر يشتري الاكل عشان كذا الازمة هذي اثرت عليهم بالقو ويا بنات ترا الصليب الاحمر هو اول منظمة راحت هناك يعني مو حرام اخواننا مسلمين يطعموهم الصليبيين ونحن موجودين والله همه احق يالصدقات في الشهر الكريم اللي نحن مقبلين عليه لان اللي بتعطوهم بينقذ حياتهم فيلا يا بنات شدوا الهمة
وعل فكرة المجتمع الصومالي مجتمع رعوي يعني يعتمد في حياته عل ها الانعام فلو ماتت ما بيقدر يشتري الاكل عشان كذا الازمة هذي اثرت عليهم بالقو ويا بنات ترا الصليب الاحمر هو اول منظمة راحت هناك يعني مو حرام اخواننا مسلمين يطعموهم الصليبيين ونحن موجودين والله همه احق يالصدقات في الشهر الكريم اللي نحن مقبلين عليه لان اللي بتعطوهم بينقذ حياتهم فيلا يا بنات شدوا الهمة
الصفحة الأخيرة
في كل كبد رطبة اجر فكيف اذا صارت للمسلمين كيف بيكون الاجر
جمعية العون المباشر بالكويت تنظم تبرعات عاجله لاخواننا بافريقيا بسبب الجوع والجفااااااااااااف
اتصلوا عليهم وارسلوا على حساباتهم اذا مالقيتوا عندكم جمعيه ترسل للصومال
وترى هذي الجمعيه اللي فيها عبدالرحمن السميط واظنه غني عن التعريف
والجمعيه مشهود لها بالخير وياليت تدخلون موقعهم وتشوفون بنفسكم وتاخذون الارقام او تتبرعون عن طريق الانترنت لو بريال واحد فهو يعني الكثير ويسوي الكثير واجركم عند الله والله يجعله بميزان حسناتكم
هذا الرابط للجمعيه
http://www.direct-aid.org/donate/ar/category-168/clone-ar.html