الله يجزاك خير جداويه عاد تدرين ابد ما فكرت بهالشي :06:
بكذا مستحيل البس لبس او البسه ولدي من غير ما اغسله توووووبه
مشكوووره يالغلا
ذوق وحلا
•
اهم شي الملابس الداخلية والمناشف شي ضرورياهم شي الملابس الداخلية والمناشف شي ضروري
نفس الشىء
الصفحة الأخيرة
أنا شخصيا كل شي أغسله من و أنا صغيرة أتعودت على دا الشي من أهلي
و سرت ما أحب ألبس اللبس زي ما أشتريته أحسه وسخ لو من فين ما كان :eek:
حتى إللي فخم أو قماشه حساس و ما نقدر نغسله في البيت نوديه المغسلة دراي كلين !!
و كتير من إللي أعرفهم بنفس الطريقة حتى جوزي طلع طبعه زينا الحمدلله رب العالمين ..
لأنه فيه نقطة مهمة لازم تنتبهو لها إنه بعض إذا مو كل الملابس ممكن يكونو فيه ناس قبلكم لبسوها
حتى لو هي جديدة و بأكياسها و كراتينها !!
أقولكم كيف ؟!
أكيد عارفين إنه فيه حريم يقيسو و يجربو الملابس سواء في بيوتهم
أو في الحمامات حقت السوق أكرمكم الله و ممكن ما تناسبهم و يرجعوها
و يفضلو يقيسو و يلبسو و يرجعو و طبعا إنتو عارفين إللي تكون ماشية في السوق
مهما كانت إنسانة نظيفة إلا ما تكون عرقانة و حتنتقل إفرازات جسمها عالملابس الجديدة :09:
فما بالك ببعض الناس أستغفر الله العظيم الحمدلله الذي عافانا مما إبتلاهم به و فضلنا تفضيلا
إللي تلاقيها رايحة السوق مهما كان مستواه بملابس معفنة و لا بقميص البيت حق الشغل أو غيره
بحجة إنها رايحة السوق و حتعرق و تتبهدل فيسير تستحمى و تلبس نظيف بعد ما ترجع من السوق !!
أو تلاقيها ماشية ريحتها فايحة أستغفر الله العظيم من فوق العباية و طبقات الملابس
و الله أعلم أيش على جسمها من ميكروبات و أمراض ولا إللي ما تغير ملابسها الداخلية و تنظف نفسها
و تجرب و تقيس اللبس الجديد بهادا الحال و إنتي تشتري القطعة و تلبسي من وراها :09:
و إللي يقيسو في الحمامات يمكن تنزل الملابس على الأرض و تكون فيها نجاسة
و هي مو منتبهة أو إهمالا منها أو قلة ضمير و أمانة و في بعض الأحوال ما تناسبها
و ترجعها لصاحب المحل بنجاستها !!
و كمان حتى لو الملابس مغلفة البياع بيفكها و يمسكها و الزباين بيمسكوها و يقلبوها
و يشوفوها من كل النواحي و حتى بعض الأندرويرات إللي تكون مغلفة الحريم بيفكوها
و يشوفوها و في الأخير لو ما ناسبتهم صاحب المحل بيرجع يغلفها تاني !!
و أكيد أغلبكم مر عليكم نوعية البياعين إللي طول ما إنتي تتفرجي عالبضاعة و هو ماسك
القطعة يقلب فيها بيده أو ماشي يقلب و يحسس في الملابس و الأندرويرات !!
و الله أعلم هم أياديهم نظيفة ولا أيش كان فيها :icon32:
فكونها مغلفة مو معناها جديدة و نظيفة ماحد لمسها !!
حتى الملابس إللي تخيطيها شوفي فين أتحطت و على أيش أنفردت و كم يد مسكتها
و كم رجل دعستها إبتداء من لفة القماش ألين خياطته و بروفاته و وصوله لكي :o
و فيه بعض الناس عندهم قلة دين و أمانة و ضمير ممكن ياخدو الملابس و يلبسوها بحرص
و بعدين يرجعوها للمحل بحجة إنها ما ناسبتهم و تلاقيها طول الليل داهكتها في سهرتها
و متفشخرة بشي مو لها و لا هي قد كلفته عشان المظاهر الكدابة !!
( و هادا كلام بعض بياعين محلات فساتين السهرات يعني ما جبته من عندي ) !!
و ما تفرق فخامة المكان بس إحنا بننخدع بالمظاهر و نتوقع منهم النظافة و الحرص
و لا هم زيهم زي غيرهم و كتير من المحلات غالبا مستودعاتهم واحدة و طريقتهم واحدة وما فرقت
غير فخامة الفرع إللي إنتي فيه و مدى حرصهم على المظهر الخارجي للمحل و الموظفين !!
و ياما بياعين أو خياطين بيعطسو و يكحو فوق الملابس و هم مريضين أو حتى بدون مرض كله غلط ..
أو تلاقيه عرقان و ريحته طالعة و ملابسه مبلبلة و ماسك الملابس الجديدة و ملصقها على جسمه
و يطبقها من كل قلبه !!
و بعضهم ما يعرف يطبق القطعة غير لمن يحط جزء منها في فمه أو تحت رقبته و يمسك
الجزء التاني بيده و يلصقها على صدره عشان يعرف يطبقها مزبوط !!
و غيره و غيره و غيره و غيره !!
هادا غير طبعا الغبار و المبيدات و الحشرات و أي شي تاني بتتعرض له البضاعة سواء في المعارض
أو المستودعات ..
أنا بالصدفة شوفت في بعض المحلات الفخمة ملابس السهرة مرمية في المخزن في كل مكان !!
إللي معلق و إللي عالأرض و بكراتين و بأكياس و بدون أكياس و في غرف القياس إللي جربوها الزباين
و المخزن حالته حالة بس طبعا ماحد مننا يشوف دي الحاجات و لا ندري عنها ..
و بعدين يطلعو الفساتين و يكووها بالبخار و يفردوها و يعرضوها و تبان جديدة و نظيفة
و يقولك جديدة دوبي فاككها من أكياسها أستغفر الله العظيم بس !!
و أعطيكم مثال مقرف شويتين :
قبل فترة أشتريت مناشف صغيرة حقت المطبخ و التنظيف من بياع من إللي يدورو في الأسواق ..
و أعطاني مجموعة أنا أخترتها بنفسي و أخدت النظيف إللي من جوة المجموعة مو المكشوف إللي برة ..
و لمن رجعت البيت جيت أغسلها لقيت - مع إحترامي لكم - (مخاطين) أو (مخاط) لاصقة فيها !!
قرفت منها قرف مو طبيعي و أتندمت إني أشتريتها :mad: :09:
أيش فيه أكتر من كدة قرف ؟!
** و طبعا قيسو على دا المثال محلات تانية و أشياء تانية و أترك لكم حرية التخيل !!
و في الآخر دي كلها أشياء تجيب أمرااااااااااض و بلاوي الله يكفينا الشر :32:
لازم لازم لازم لازم تنغسل الملابس و المناشف و كل شي بتستعملوه إستعمال مباشر على أجسامكم
و من باب أولى الملابس الداخلية النسائية و الرجالية و ملابس المواليد و الأطفال ..
سواء غسيل عادي أو باليد أو عالبرنامج الخفيف أو اليدوي في الغسالة أو حتى تنشطف بماء و ديتول الشخصي
أو العادي و منعم الملابس ..
يعني هادا أقل شي ممكن تسووه !!
و هادي ترى نصيحة الدكاترة لتجنب إنتقال العدوى و الأمراض عموما و الأمراض الجلدية خصوصا !!
و دا الكلام ينطبق عالحريم و الرجال لأنه في بعض الأحيان الرجال يكونو مهملين أكتر من الحريم
من ناحية النظافة الشخصية و الحرص على الملابس عند تجربتها و قياسها !!
و لعلمكم كانو فيه ناس يتتريقو علينا في دا الشي و يقولو وسواس لكن ما صدقو غير لمن جربو بنفسهم
و دحين سارو يسوو زينا :)
معليش سامحوني طولت عليكم بس والله العظيم ما كتبته غير من محبتي لكم و حرصي عليكم ..
و ياريت تتقبلو كلامي بصدر رحب و ما تتضايقو منه و إذا أصبت فمن الله و إذا أخطأت فمن نفسي :)
تحياتي ..
جــــداويــــــــة