هل تفتشين حقائب و أوراق و دروج أطفالك في غيابهم لمعرفة أسرارهم؟؟

12 مرور ولا رد واحد !!!

ياسمينااا وكل اللي بيردون ..

فتشوا ماحد قال لاتفتشون .. بس نصيحة لوجه الله تعالى : لايعرفون بأمر التفتيش هذا ..
تكفوووووووووووووووووووووووون طالبتكم لاتحسسونهم بهذا الشيء

((( هذا الموضوع سبب لي انتكاسة في حياتي وماراح انساها لحد ما أموت ..)))
كنت في بداية مراهقتي عندي موهبة الكتابة .. أكتب خواطر أكتب محاولات بسيطة للشعر
ويمكن كنت أوجهها لأشخاص خياليين أو مشاهير مستحيــــــــل كنت راح أوصل لهم
يعني لاعبين كرة ، فنانيين .. <== وقت المراهقه ركزوا الحين ربي تاب علينا :)

كانت أمي تدخل غرفتي لما أروح المدرسة وتفتش .. وطاحت على وحدة من هالرسائل
وسوّت لي مشكلــــــــــــة كبيـــــــــــــــــرة وهددتني تعلم ابوي وتفصلني من المدرسة
والمشكلة صادف الاسم الي كتبته عن واحد من عيال الجيران <= شفتوا النحاسة:(
وقالت : تكتبن له ! تحبينه ! وانا على بالي يوم تروحين لهم كنتِ تروحين لخواته وانتِ تقابلينه !!
وهو والله ماجااااااااء في بالي ولا فكرت فيه واحلف لها والله مو هو هذا لاعب :30:
تقول لأ كذابة ..

المهم الله يسامحها ويغفر لي ولها
وبعدها اكتشفت واحد قريب لنا كان ساكن معنا في نفس البيت كمان يفتش في أغراضي لما نروح
نسهر أو نطلع ..

وهالشي سبب لي عزلة عن الناس وحسيت الكل متهمني والكل يقول عني كلااااااااام وكلام :(
ولحد الحين مسبب لي أزمه وهالكلام يمكن من 10 سنوات

فــ نصيحة اذا انتوا خايفين راقبوهم من بعيد لبعيد لاتحسسونهم بهالشي
اذا مسكتوا عليهم شي تأكدوا 100 مرة أول وبعدين قولوا وصلنا كلام أو أي شي
غير انكم تحسسونهم بالتجسس عليهم

لا انا افتش اغراض عيالي من وراهم طبعا وحتي لو دروا اني افتش في اغراضهم

انا تفتيشي لاهو فضول ولا هو شك بس هو نوع من الحمايه وفعلا من حكم تجربتي

بعض من عيالي عدا ولله الحمد هالفتره من المراهقه وهالتفتيش نفعني وحماهم في اوقات

كثيره ( لايروح فكركم بعيد ) بس قصدي في بعض الاحيان تكون في مشكله في المدرسه

او مع صديقه او من هالمشاكل اللي لو ماتداركتها الام او اي احد مسئول ممكن الموضوع

يكبر ولازم الابناء يعرفون ان هالتصرف نابع من خوف عليهم ومحبه لهم

والله يخلي لنا عيالنا وعيالكم ويجعلهم ابناء صالحين بارين وابناء المسلمين اجمعين

هلا غاليتي
قبل كل شيء
لابد ان ندرك ان لكل مرحله خصائصها
يعني المراهقه بتلاقين تصرفات طائشه
حب تعلق بااحد خيال واسع
كتابات روايات
يعني ممكن تفتشي وراهم بس بشرط واحد
ماتخبريهم بكل شيء تجديه
مثلا وجدتي شيء او كلام ماعجبك
بالتدريج حاولى تبيني لهم وتقربي منهم
ونصيحه مني
لو كنتى قريبه منهم وصديقه لهم
ماتحتاجي تفتشي وراهم
بالعكس بيكون كل شيء واضح وسهل
ولو كان للزوج ماانصح بالحركه هذي
لانها ممكن تزود الشكوك وتخلى عندك وسواس
انه لازم تفتشي اغراضه ولا ماترتاحي
لان بيكون تعووود ولو فرضا شفتي شيء
وماعجبك لو حتى بالصدفه او بالغلط
بتكبري الموضوع
لانك من زمان تفتشي عليه
اعتقد بين الزوج وزوجته لازم خصوصيه
يعني اعطيه الثقه والعكس
التصرفات كفيله انها تبين لك زوجك
وكل عام وانتم بخير




¯¨'*•~-.¸¸,.-~*' ¯¨'*•~-.¸¸,.-~*'
رشفة حنين ¯¨'*•~-.¸¸,.-~*' ¯¨'*•~-.¸¸,.-~*'
¯¨'*•~-.¸¸,.-~*'رشفة حنين ¯¨'*•~-.¸¸,.-~*'

مموضوع حلو الصراحة ومهم ..

أنا بالنسبة لبناتي ما قد فتشت أغراضهم الشخصية أو دروجهم من باب الفضول ولا من باب الشك يعني ما أفتح دواليبهم مثلا أو أدراجهم مخصوص عشان أفتشها ولا من باب الفضول حتى لأنهم أحسهم صغار لسا الكبيرة ثاني ابتدائي

بس ممكن أكون أدور شيء أو أرتب المكان مثلا وألقى بعض الأوراق أو الرسمات أو الأشياء اللي مختفية من مطبخي أو مكتب أبوهم أو من عند جدتهم :):):)

ومرات أنبسط من حسن تنظيمهم لبعض المقتنيات الصغيرة :)

انما أحس بدري على التفتيش بنية التفتيش